ملزموں کی گرفتاری کے لئے کارروائی کی جارہی ہے، تھانہ سٹی پولیس ۔ فوٹو : فائل
میاں چنوں میں قریبی گاؤں ایک سواکتیس پندرہ ایل میں انسانیت کی بدترین تذلیل کا واقعہ پیش آیا جہاں بااثر افراد نے اپنی ہی عدالت لگالی اور چوری کے الزام میں 14 سالہ لڑکے پر وحشیانہ تشدد کرتے ہوئے برہنہ کردیا، سر کے بال کاٹ دیئے اور منہ کالا کرکے گلیوں میں گھماتے رہے۔
14 سالہ لڑکے بشارت کوتین ملزمان اکرم، اکرام اور یاسین گھر سے بلا کر لے گئے اور اسے بدترین تشدد کا نشانہ بنایا، ملزموں نے واقعے کی ویڈیو بھی بنائی اور اسے سوشل میڈیا پر وائرل کردی۔
متاثرہ لڑکے کی والدہ نے اعلیٰ حکام سے انصاف کی اپیل کی ہے جب کہ دوسری جانب تھانہ سٹی پولیس کا کہنا ہے کہ ملزموں کی گرفتاری کے لئے کارروائی کی جارہی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔