بلدیاتی انتخابات سے متعلق الیکشن کمیشن کا اہم اجلاس رواں ہفتے متوقع

الیکشن کمیشن کابلدیاتی انتخابات کے حتمی فیصلہ کیلیے اہم اجلاس رواں ہفتے متوقع ہے۔

اجلاس میں قومی اسمبلی کی پارلیمانی کمیٹی کی پنجاب اورسندھ کوبلدیاتی انتخابات کے التواکیلیے سپریم کورٹ جانے کی ہدایت سمیت سندھ میں18 اورپنجاب میں30جنوری کومجوزہ انتخابات کی راہ میں حائل تمام رکاوٹوں کا تفصیل سے جائزہ لیاجائے گا۔




ذرائع کے مطابق اجلاس میں سندھ اورپنجاب کو انتخابات کے التواکیلیے سپریم کورٹ میں جانے کا فیصلہ کیاجائے گاکہ کیادونوں صوبے سپریم کورٹ میں جائیں یاالیکشن کمیشن خود بھی سپریم کورٹ میں پیش ہوکرعدالت کوبتائے کہ پرنٹنگ پریسوں کی طرف سے مقررہ تاریخوں پربلدیاتی انتخابات کیلیے بیلٹ پیپرزچھاپنے سے انکارکے بعدپنجاب میں30جنوری اور سندھ میں18جنوری کوبلدیاتی انتخابات ہوناقطعی طور پر ناممکن ہیں،اجلاس میں سپریم کورٹ کی طرف سے ازخود انتخابی شیڈول میں کوئی بڑی تبدیلی کے بغیرصرف پولنگ کی تاریخوں میں تبدیلی کافیصلہ کیا جائے یاالیکشن کمیشن کو انتخابات کے انعقاد میں جن مشکلات کاسامناہے ان کو مد نظر رکھتے ہوئے بلدیاتی انتخابات غیرمعینہ مدت کیلیے ملتوی کردیے جائیں۔