کراچی کنگز نے ملتان سلطانز کو شکست دیدی

کرس لین 14 گیندوں پر 32 رنز کی جارحانہ اننگز کھیل کر آؤٹ ہوئے - فوٹو: پی ایس ایل

---

پی ایس ایل کے نویں میچ میں کراچی کنگز نے ملتان سلطانز کو 7 وکٹ سے شکست دے دی۔

کراچی کے نیشنل اسٹیڈیم میں کھیلے گئے پاکستان سپر لیگ کے چھٹے ایڈیشن کے نویں میچ میں ملتان سلطانز نے پہلے بیٹنگ کرتے ہوئے مقرررہ 20 اوورز میں 195 رنز بنائے۔ کراچی کنگز نے بابراعظم کی زبردست اننگز کے بدولت مطلوبہ ہدف 19ویں اوور مٰں حاصل کرلیا۔

Uffff! It’s fun and games out here for our man @joeclarke10 #MatchDikhao l #HBLPSL6 l #KKvMS pic.twitter.com/BxAZ0lEU0v

— PakistanSuperLeague (@thePSLt20) February 27, 2021

کراچی کنگز کی جانب سے شرجیل خان نے ٹیم کو جارحانہ آغاز فراہم کیا لیکن وہ 27 رنز بنانے کے بعد آؤٹ ہوئے جس کے بعد بابراعظم نے جوئے کلارک کے ساتھ ملکر 97 رنز کی شراکت قائم کی۔ اس دوران جوئے کلارک نے پی ایس ایل میں اپنی پہلی نصف سنچری مکمل کی وہ 54 رنز بناکر آؤٹ ہوئے۔

دوسری جانب قومی ٹیم کے کپتان بابراعظم اپنی فارم بحال کرتے ہوئے ایک اور نصف سنچری اسکور کرنے میں کامیاب رہے۔ کولن انگرام 6 رنز بنانے کے بعد آؤٹ ہوئے۔ بابراعظم 90 رنز پر ناٹ آؤٹ رہے۔

ملتان سلطانز کی جانب سے دو وکٹیں شاہنواز دھانی کے حصے میں آئیں اور ایک وکٹ سہیل خان نے حاصل کی۔

Vince teri shottain 😍#HBLPSL6 l #MatchDikhao l #KKvMS pic.twitter.com/cnpUupzqkC

— PakistanSuperLeague (@thePSLt20) February 27, 2021

ملتان سلطانز کی جانب سے پچھلے تینوں میچوں میں ناکام رہنے والے اوپنر کرس لین کو دوبارہ موقع دیا گیا لیکن اس بار انہوں نے ٹیم کو مایوس نہیں کیا اور 14 گیندوں پر 32 رنز کی جارحانہ اننگز کھیل کر آؤٹ ہوئے اور کپتان محمد رضوان 32 گیندوں پر 43 رنز بناکر آؤٹ ہوئے۔

Rizwan aims big but falls short of target. Arshad Iqbal seizes that big wicket! #MatchDikhao l #HBLPSL6 l #MSvKK l @iMRizwanPak pic.twitter.com/tizn72GAK5

— PakistanSuperLeague (@thePSLt20) February 27, 2021

مڈل آرڈر بلے باز جیمز ونس 29 گیندوں پر 45 رنز کی جارحانہ اننگز کھیل کر ارشد اقبال کا شکار بنے تاہم بعد میں آنے والے بلے بازوں نے سست روی سے بیٹنگ کی جس کے باعث ملتان سلطانز 200 کا ہندسہ عبور کرنے میں ناکام رہے۔

OW! Waqas did not allow Khushdil to stay on for long. Well bowled 👌🏼 #MatchDikhao l #HBLPSL6 I #KKvMS pic.twitter.com/TForXgM0P0

— PakistanSuperLeague (@thePSLt20) February 27, 2021

ریلی روسو 7، خوشدل شاہ 6، شاہد آفریدی 3 رنز بناکر آؤٹ ہوئے جب کہ صہیب مقصود 27 گیندوں پر 34 رنز کھیل کر ناٹ آؤٹ رہے۔ کراچی کنگز کی جانب سے ارشد اقبال نے 2، ڈینیل کرسچن، وقاص مقصود، عماد وسیم اور محمد عامر نے ایک ایک وکٹ حاصل کی۔