پشاور زلمی نے اسلام آباد یونائیٹڈ کو 6 وکٹوں سے شکست دیدی

اسلام آباد کی ٹیم میں 2 جب کہ پشاور کی ٹیم میں ایک تبدیلی کی گئی

---

پی ایس ایل کے دسویں میچ میں پشاور زلمی نے اسلام آباد یونائیٹڈ کو6 وکٹوں سے شکست دیدی۔

پاکستان سپر لیگ کے دسویں میچ میں پشاور زلمی نے اسلام آباد یونائیٹڈ کو 6 وکٹوں سے شکست دیدی، پشاور نے اسلام آباد کا 119 رنز کا ہدف 4 وکٹوں کے نقصان پر 17.1 اوور میں حاصل کرلیا۔

𝑰 𝒐𝒏𝒍𝒚 𝒅𝒆𝒂𝒍 𝒊𝒏 𝒔𝒊𝒙𝒆𝒔
Zalmi’s young star is lighting up the pitch. Sheer beauty 👌🏼 #MatchDikhao l #HBLPSL6 I #PZvIU pic.twitter.com/jVSpKywipF

— PakistanSuperLeague (@thePSLt20) February 27, 2021

پشاور کی جانب سے اسلام آباد کے 119 رنز کے تعاقب میں اننگز کا آغاز امام الحق اور کامران اکمل نے کیا تاہم دونوں اوپنرز صرف 6 کے مجموعی اسکور پر پویلین لوٹ گئے جس کے بعد ٹام کوہلر اور شعیب ملک نے اسکور آگے بڑہایا۔

ون ڈاؤن آنے والے ٹام کوہلر 46 رنز بناکر آؤٹ ہوئے جب کہ حیدر علی نے جارحانہ 36 رنز بنائے اور آؤٹ ہوگئے، شعیب ملک نے 29 رنز کی اننگز کھیلی جس کی بدولت پشاور زلمی نے 119 رنز کا ہدف 4 وکٹوں کے نقصان پر 17 ویں اوور میں حاصل کرلیا۔

🟥🟨#MatchDikhao l #HBLPSL6 I #PZvIU pic.twitter.com/fb9yjflPm4

— PakistanSuperLeague (@thePSLt20) February 27, 2021

اس سے قبل پشاور زلمی نے ٹاس جیت کر پہلے فیلڈنگ کا فیصلہ کیا اور اسلام آباد کے خلاف جارحانہ حکمت عملی اپنائی جس کے باعث اسلام آباد کی ٹیم اننگز کے آغاز سے ہی مشکلات کا شکار دکھائی دی، اوپنر پال اسٹرلنگ صرف ایک رن بناکر آؤٹ ہوگئے جب کہ ون ڈاؤن آنے والے فل سالٹ 9 اور فہیم اشرف صرف 2 رنز بناکر چلتے بنے، کپتان شاداب خان 6 رنز پر رن آؤٹ ہوگئے۔

Those last few steps cost @76Shadabkhan highly. Another key wicket for Zalmi! #MatchDikhao l #HBLPSL6 l #PZvIU pic.twitter.com/NgqihPKGGK

— PakistanSuperLeague (@thePSLt20) February 27, 2021

اوپنر الیکس ہیلز نے پشاور کے بولرز کے خلاف مزاحمت کی اور 41 رنز بناکر آؤٹ ہوگئے، پشاور کی شاندار بولنگ کے آگے اسلام آباد کا کوئی بھی کھلاڑی زیادہ دیر وکٹ پر کھڑا نہ رہ سکا اور اسلام آباد کی پوری ٹیم 17.1اوورز میں 118 رنز بناکر آؤٹ ہوگئی۔

D E S T R O Y E D #MatchDikhao l #HBLPSL6 l #PZvIU pic.twitter.com/Psy4RWWdY5

— PakistanSuperLeague (@thePSLt20) February 27, 2021

پشاور زلمی کی جانب سے وہاب ریاض اور ثاقب محمود نے شاندار بولنگ کا مظاہرہ کرتے ہوئے بالترتیب 4اور 3 کھلاڑیوں کو پویلین بھیجا جب کہ مجیب الرحمان اور عمید آصف نے ایک ایک وکٹ حاصل کی۔