سی پی این ای کا پنجاب حکومت سے اشتہارات کی منصفانہ تقسیم اور واجبات کی ادائیگی کا مطالبہ
حکومت کی طرف سے عائد کردہ کسی بھی متنازع قوانین کی بھرپور مخالفت کی جائے گی، اجلاس میں متفقہ فیصلہ
حکومت کی طرف سے عائد کردہ کسی بھی متنازع قوانین کی بھرپور مخالفت کی جائے گی، اجلاس میں متفقہ فیصلہ (فوٹو : فائل)
کونسل آف پاکستان نیوز پیپر ایڈیٹرز (سی پی این ای) نے ایک بار پھر پنجاب حکومت سے اخبارات کو اشتہارات کی منصفانہ تقسیم اور واجبات کی فوری ادائیگیوں کا مطالبہ کیا ہے۔
یہ مطالبہ گزشتہ روز 92 نیوز کے ایڈیٹر انچیف محمد حیدر امین کی زیر صدارت منعقدہ سی پی این ای کی پنجاب کمیٹی کے اجلاس میں کیا گیا۔ اجلاس میں گروپ ایڈیٹر ایکسپریس ایاز خان، گروپ ایڈیٹر 92 نیوز ارشاد احمد عارف، چیف ایڈیٹر 92 محمد حیدر امین، منیجنگ ڈائریکٹر ڈیلی ٹائمز کاظم خان، منیجنگ ایڈیٹر پاکستان ٹوڈے یوسف نظامی، ایڈیٹر روزنامہ غریب تنویر شوکت، چیف ایڈیٹر روزنامہ طاقت لاہور محمد اویس رازی، ایڈیٹر جہان پاکستان ضیا تنولی، چیف ایڈیٹر روزنامہ ہاٹ لائن لاہور ذوالفقار احمد راحت، چیف ایڈیٹر روزنامہ لیڈر لاہور علی احمد ڈھلوں، چیف ایڈیٹر روزنامہ وفا بہاولپور محمد اکمل چوہان، چیف ایڈیٹر روزنامہ صورتحال زبیر محمود، چیف ایڈیٹر روزنامہ جہاں نما لاہور، ایڈیٹر سنگ میل ملتان امتیاز روحانی ، گروپ ایڈیٹر روزنامہ سعادت عثمان غنی و دیگر موجود تھے۔
اجلاس میں پنجاب سے تعلق رکھنے والے میڈیا اداروں، صحافیوں اور میڈیا کارکنوں سمیت پنجاب حکومت کی متنازع اشتہاراتی پالیسی سمیت مجوزہ ''پریس اینڈ پبلی کیشن بل 2020ء '' کے مسودے پر تفصیلی غور کیا گیا۔
اجلاس میں متفقہ طور پر فیصلہ کیا گیا کہ پریس قوانین سے متعلق کسی بھی قانون کو قبول نہیں کریں گے جو تمام اسٹیک ہولڈرز کو اعتماد میں لیے بغیر کیا جائے گا۔ حکومت میڈیا انڈسٹری کو درپیش مالی بحران کو مدنظر رکھتے ہوئے اشتہارات کے واجبات کی بروقت ادائیگی یقینی بنائے۔
سی پی این ای پنجاب کمیٹی کے اراکین نے کہا ''حکومت کو اپنی ذمہ داریوں سے آگاہ ہونا چاہیے اور میڈیا انڈسٹری کو درپیش مشکل وقت میں اپنا کردار ادا کرنا چاہیے''۔
اجلاس میں فیصلہ کیا گیا کہ حکومت کی طرف سے عائد کردہ کسی بھی متنازع قوانین کی بھرپور مخالفت کی جائے گی، اس سے قبل بھی میڈیا کارکنوں نے بہادری کے ساتھ ایوب خان اور ضیا الحق کی آمریت کا مقابلہ کیا ہے اور ہم اس بار بھی آزادی صحافت کی خاطر لڑیں گے۔ سی پی این ای کے اراکین نے کہا کہ جہاں تک آزادی صحافت کا تعلق ہے اس میں کوئی سمجھوتہ نہیں کیا جائے گا۔
اجلاس میں پنجاب بھ سے سی پی این ای کی نئی رکنیت کی 21 درخواستوں کو بھی ایسوسی ایٹ رکنیت دینے کی سفارش کی گئی۔
یہ مطالبہ گزشتہ روز 92 نیوز کے ایڈیٹر انچیف محمد حیدر امین کی زیر صدارت منعقدہ سی پی این ای کی پنجاب کمیٹی کے اجلاس میں کیا گیا۔ اجلاس میں گروپ ایڈیٹر ایکسپریس ایاز خان، گروپ ایڈیٹر 92 نیوز ارشاد احمد عارف، چیف ایڈیٹر 92 محمد حیدر امین، منیجنگ ڈائریکٹر ڈیلی ٹائمز کاظم خان، منیجنگ ایڈیٹر پاکستان ٹوڈے یوسف نظامی، ایڈیٹر روزنامہ غریب تنویر شوکت، چیف ایڈیٹر روزنامہ طاقت لاہور محمد اویس رازی، ایڈیٹر جہان پاکستان ضیا تنولی، چیف ایڈیٹر روزنامہ ہاٹ لائن لاہور ذوالفقار احمد راحت، چیف ایڈیٹر روزنامہ لیڈر لاہور علی احمد ڈھلوں، چیف ایڈیٹر روزنامہ وفا بہاولپور محمد اکمل چوہان، چیف ایڈیٹر روزنامہ صورتحال زبیر محمود، چیف ایڈیٹر روزنامہ جہاں نما لاہور، ایڈیٹر سنگ میل ملتان امتیاز روحانی ، گروپ ایڈیٹر روزنامہ سعادت عثمان غنی و دیگر موجود تھے۔
اجلاس میں پنجاب سے تعلق رکھنے والے میڈیا اداروں، صحافیوں اور میڈیا کارکنوں سمیت پنجاب حکومت کی متنازع اشتہاراتی پالیسی سمیت مجوزہ ''پریس اینڈ پبلی کیشن بل 2020ء '' کے مسودے پر تفصیلی غور کیا گیا۔
اجلاس میں متفقہ طور پر فیصلہ کیا گیا کہ پریس قوانین سے متعلق کسی بھی قانون کو قبول نہیں کریں گے جو تمام اسٹیک ہولڈرز کو اعتماد میں لیے بغیر کیا جائے گا۔ حکومت میڈیا انڈسٹری کو درپیش مالی بحران کو مدنظر رکھتے ہوئے اشتہارات کے واجبات کی بروقت ادائیگی یقینی بنائے۔
سی پی این ای پنجاب کمیٹی کے اراکین نے کہا ''حکومت کو اپنی ذمہ داریوں سے آگاہ ہونا چاہیے اور میڈیا انڈسٹری کو درپیش مشکل وقت میں اپنا کردار ادا کرنا چاہیے''۔
اجلاس میں فیصلہ کیا گیا کہ حکومت کی طرف سے عائد کردہ کسی بھی متنازع قوانین کی بھرپور مخالفت کی جائے گی، اس سے قبل بھی میڈیا کارکنوں نے بہادری کے ساتھ ایوب خان اور ضیا الحق کی آمریت کا مقابلہ کیا ہے اور ہم اس بار بھی آزادی صحافت کی خاطر لڑیں گے۔ سی پی این ای کے اراکین نے کہا کہ جہاں تک آزادی صحافت کا تعلق ہے اس میں کوئی سمجھوتہ نہیں کیا جائے گا۔
اجلاس میں پنجاب بھ سے سی پی این ای کی نئی رکنیت کی 21 درخواستوں کو بھی ایسوسی ایٹ رکنیت دینے کی سفارش کی گئی۔