سینیٹ انتخابات آصف زرداری کے ایک تیر سے دو شکار

حکومت ،پی ڈی ایم چِت،چیئرمین سینیٹ کیلیے یوسف گیلانی مضبوط امیدوار

افضال طالب March 04, 2021

حکومت ،پی ڈی ایم چِت،چیئرمین سینیٹ کیلیے یوسف گیلانی مضبوط امیدوار۔ فوٹو: فائل

پیپلزپارٹی کے سربراہ آصف زرداری نے سینیٹ انتخابات میں ایک تیرسے دوشکار کرتے ہوئے حکومت اورپی ڈی ایم کوچاروں شانے چت کردیا۔

آصف زرداری نے سینیٹ انتخابات میں ایک تیرسے دوشکار کرتے ہوئے حکومت اورپی ڈی ایم کوچاروں شانے چت کردیا جس سے آئندہ ملکی سیاست کا رخ تبدیل اورپی ٹی آئی کیلئے مشکلات بڑھتی نظرآرہی ہیں۔

دوسری طرف سپریم کورٹ کا سینیٹ انتخابات اوپن بیلٹ کے ذریعے نہ کرانا،الیکشن کمیشن کا این اے 74 میں مخصوص پولنگ سٹیشنوں کی بجائے پورے حلقے میں دوبارہ انتخاب اورآئندہ سینٹ انتخابات میں جدید مشینری کے استعمال کے اعلان سے تبدیلی کے آثاردکھائی دیتے ہیں جو یوسف رضا گیلانی کی جیت میں واضح ہوگیا اور اب یہ سلسلہ مزید آگے بڑھے گا۔ پیپلز پارٹی کا اگلا ہدف چیئرمین سینٹ ہوگا،جس کیلئے یوسف رضا گیلانی مضبوط امیدوار ہوسکتے ہیں۔

واضح رہے اٹھارویں ترمیم کے بعد منتخب حکومتیں عدالتی، الیکشن کمیشن کے فیصلوں پر ختم ہوئیں۔