امریکا میں اساتذہ کوترجیحی بنیادوں پرویکسین لگانے کا فیصلہ

دوسری جانب امریکا میں اساتذہ کی یونینزاسکول کھولنے کے خلاف ہیں

ویب ڈیسک March 04, 2021

امریکا کی تمام ریاستوں میں ہراستاد کوکم از کم کورونا وائرس ویکسین کی ایک خوراک مارچ کے آخر تک دی جائے گی

امریکا میں اساتذہ کو ترجیحی بنیادوں پر ویکسین لگانے کا فیصلہ کیا گیا ہے۔

امریکی صدرجوبائیڈن نے اعلان کیا ہے کہ امریکا میں اساتذہ کوترجیحی بنیاد پرویکسین لگائی جائے گی تاکہ ہمارے طالب علم جلد از جلد تعلیمی اداروں میں واپس جاسکیں۔ امریکی صدرکے فیصلے کے مطابق امریکا کی تمام ریاستوں میں ہر استاد کو کم از کم کورونا وائرس ویکسین کی ایک خوراک مارچ کے آخر تک دی جائے گی۔

امریکا میں اساتذہ کی یونینزاسکول کھولنے کے خلاف ہیں۔ یونینزکا موقف ہے کہ اسکولوں کو واپس اس وقت کھولنے میں ابھی بھی خطرات ہیں کیونکہ کورونا وائرس کی وبا ابھی بھی موجود ہے۔

دوسری جانب امریکی صدرنے کہا کہ امریکا میں ہرشخص کے لیے مئی کے آخرتک کافی ویکسین دستیاب ہوں گی تاہم انہوں نے امریکیوں سے ماسک پہننے، سماجی فاصلہ برقراررکھنے سمیت ایس او پیز پر عمل درآمد کرنے کا کہا ہے۔