میکا سنگھ کا سلومیاں کے دلہا بننے تک شادی نہ کرنے کا اعلان

گلوکار میکا سنگھ نے سلمان خان کی متعدد فلموں میں گلوکاری کی ہے۔ فوٹو : فائل

---

ISLAMABAD: بھارتی گلوکار میکا سنگھ کا کہنا ہے کہ جب تک سلمان خان شادی نہیں کرتے میں بھی نہیں کروں گا۔

ایک شو کے دوران گلوگار میکا سنگھ کا کہنا تھا کہ میں شادی کے لیے ایک اچھی لڑکی کی تلاش میں ہوں تاہم شادی صرف ایک شرط پر کروں گا اور وہ یہ ہے کہ پہلے سلمان خان کی شادی کرائی جائے۔

اس خبر کو بھی پڑھیں : سلمان خان نے گلوکار میکا سنگھ کی راتوں کی نیند اڑادی

گلوکار میکا سنگھ نے کہا کہ سلمان بھائی کے بعد بالی ووڈ انڈسٹری کا میں ہی وہ واحد کنوارا ہوں جس کی شادی کا سب کو انتظار ہے لہذا جب تک سلمان خان شادی نہیں کرتے میں بھی نہیں کروں گا، جیسے ہی سلمان خان شادی کریں گے میں بھی شادی کرلوں گا تاہم جب تک میں اپنی بیچلرز زندگی سے لطف اندوز ہورہا ہوں۔