ملتان ہوٹل پربرتن دھونے والے محمد شفیق کی انٹر کے امتحان میں دوسری پوزیشن

پوزیشن لینے والا محمد شفیق ایکسپریس نیوز سے بات کرتے ہوئے۔ فوٹو:ایکسپریس

---

تعلیمی بورڈ ملتان کےانٹرمیڈیٹ امتحانات ميں ہوٹل پر برتن دھونے والے طالب علم محمد شفیق نے آرٹس گروپ میں دوسری پوزیشن حاصل کرلی۔

جلالپور پیروالہ گورنمنٹ راجہ رام ہائراسکینڈری اسکول کے طالب علم محمد شفیق نے894نمبر حاصل کرکے دوسری پوزیشن حاصل کی۔محمد شفیق کے والدکھیتی باڑی کرتےہیں۔محمدشفیق نے تعلیمی اخراجات پورے کرنے کے لئے جلالپور پیروالا میں ہوٹل پر مزدوری کی۔ جہاں وہ برتن دھونے اور آٹا گوندھنے کا کام کرتا ہے۔

محمد شفیق نےایکسپریس نیوزسےگفتگوکرتےہوئےبتایاکہ وہ دن کوپڑھنے جاتا اور شام کو ہوٹل پر نوکری کرتا ۔اور رات کو گھر میں پھر پڑھائی کرتا تھا ۔وہ مستقبل میں سی ایس ایس کرنا چاہتا ہےلیکن اخراجات پورےنہیں کرسکتا۔

محمدشفیق نے پنجاب حکومت سے اپیل کی ہےکہ تعلیم حاصل کرنےکےلئے اس کی مالی مدد کی جائے۔