خواتین کا قومی خوشحالی اور وقار میں اہم کردار ہے جنرل باجوہ

مختلف شعبوں میں خدمات سرانجام دے کر خود کو منوایا، خواتین کے عالمی دن پر پیغام۔

APP/خالد محمود March 09, 2021

آرمی چیف سے زلمے خلیل اور جنرل آسٹن کی ملاقات، افغان مفاہمتی عمل پر تبادلہ خیال فوٹو : فائل

پاک فوج کے سربراہ جنرل قمر جاوید باجوہ نے کہا ہے کہ پاکستانی خواتین کا قومی خوشحالی اور وقار میں اہم کردار ہے۔

ڈائریکٹر جنرل آئی ایس پی آر میجر جنرل افتخار بابر کے ٹویٹ کے مطابق آرمی چیف نے خواتین کے عالمی دن پر اپنے پیغام میں خواتین کو خراج تحسین پیش کیا ہے۔ انہوں نے کہا کہ کورونا وائرس کی وبا کے خلاف جنگ میں بھی خواتین صف اول میں شریک ہیں۔ خواتین بے پناہ احترام کی مستحق ہیں۔

دریں اثناء آرمی چیف جنرل قمر جاوید باجوہ سے امریکہ کے افغان مفاہمتی عمل کیلئے خصوصی نمائندے زلمے خلیل زاد نے افغانستان میں امریکی فوج کے سربراہ جنرل آسٹن اسکاٹ ملر کے ہمراہ ملاقات کی جس میں باہمی دلچسپی، علاقائی سیکیورٹی اور افغان مفاہمتی عمل پر بات چیت کی گئی۔

آئی ایس پی آر کے مطابق پاکستان کے دورے پر آئے ہوئے زلمے خلیل زاد اور جنرل آسٹن اسکاٹ ملر نے جی ایچ کیو راولپنڈی میں آرمی چیف سے ملاقات کی، امریکی وفد نے خطے میں فروغ امن کیلئے پاکستان کے کردار کی تعریف کی۔