ورون دھون نے فلم کی شوٹنگ کے لیے مداحوں کے آگے ہاتھ جوڑ لیے

ورون دھون ان دنوں ریاست اروناچل پردیش میں فلم ’’بھیڑیا‘‘ کی شوٹنگ میں مصروف ہیں (فوٹو: فائل)

---

بالی ووڈ اداکار ورون دھون نے فلم کی شوٹنگ جاری رکھنے کے لیے مداحوں کے سامنے ہاتھ جوڑ لیے۔

ورون دھون ان دںوں اپنی نئی فلم ''بھیڑیا'' کی شوٹنگ میں مصروف ہیں جو کہ بھارتی ریاست ارونا چل پردیش میں کی جارہی ہے، اس دوران مداحوں کا ہجوم فلم کی شوٹنگ کے مقام پر جمع ہو گیا جس کی وجہ سے شوٹنگ روک دی گئی۔

شوٹنگ کے مقام سگالی گراؤنڈ میں ورون کی ایک جھلک دیکھنے کے لیے پرستاروں کا ہجوم لگنے پر ورون دھون نے خود میدان میں آنے کا فیصلہ کیا تاکہ وہ فلم کی شوٹنگ شروع کرواسکیں۔

[instagram-post url="https://www.instagram.com/p/CMJiMuJgY3Z/"]

ویڈیو میں دیکھا جاسکتا ہے کہ ورون دھون مداحوں کو منتشر کرنے کے لیے گاڑی پر چڑھ جاتے ہیں اور گزارش کرتے ہیں کہ وہ انہیں فلم کی شوٹنگ کرنے دیں۔ ساتھ ہی انہوں نے یہ بھی وعدہ کیا کہ شوٹنگ مکمل کرکے وہ لوگوں سے ملاقات بھی کریں گے۔

واضح رہے کہ امر کاؤشک کی ہدایت کاری میں بننے والی فلم ''بھیڑیا'' میں ورون دھون کے ہمراہ کریتی سینن مرکزی کردار ادا کررہی ہیں۔ فلم اگلے سال 14 اپریل 2020ء کو سنیما گھروں کی زینت بنے گی۔