امیتابھ بچن اورعمران ہاشمی کی فلم کا ٹیزر جاری

فلم ’ چہرہ ‘ اگلے ماہ 9 اپریل کو سنیما گھروں کی زینت بنے گی۔ فوٹو:فائل

---

QUETTA: بالی ووڈ لیجنڈ اداکار امیتابھ بچن کی نئی آنے والی فلم 'چہرے' کا ٹیزر جاری کردیا گیا۔

بھارتی میڈیا رپورٹ کے مطابق ناانصافی کی داستاں پر مبنی لیجنڈ اداکار امیتابھ بچن کی نئی آنے والی فلم ' چہرے ' کا پہلا ٹیزر جاری کردیا گیا ہے۔ جس میں امیتابھ کے ہمراہ عمران ہاشمی ناانصافی کے شکار لوگوں کو قانونی مدد فراہم کرتے ہیں۔

عمران ہاشمی نے اپنی ٹوئٹ میں فلم کا ٹیزر شیئر کرتے ہوئے لکھا کہ کیا آپ لوگ چہروں کے کھیل کے لئے تیار ہیں؟ کیوں کہ اس عدالت میں کھیل کی شروعات ہو چکی ہے۔

Are you ready to #FaceTheGame? Kyuki iss adaalat mein khel ki shuruaat ho chuki hai.#ChehreTeaser out now: https://t.co/5vOUYBO76Y

Dekhiye #Chehre in cinemas, 9th April pic.twitter.com/Ax229iBwMg

— Emraan Hashmi (@emraanhashmi) March 11, 2021

فلم 'چہرے' کے جاری کردہ ٹیزر میں اداکار انوکپور اور عمران ہاشمی کے ڈائیلاگ شامل ہیں جوکہ معاشرے میں ہونے والی ناانصافی کی روداد بیان کرتے ہیں جب کہ ٹیزر کے آخر میں امیتابھ بچن بھی یہ کہتے سنائی دیتے ہیں کہ 'تمھاری عدالتوں میں انصاف نہیں فیصلے ہوتے ہیں۔''

[instagram-post url="https://www.instagram.com/p/CMMI0S-Bgg3/"]

دوسری جانب امیتابھ بچن نے بھی کچھ روز قبل فلم کا پوسٹر جاری کیا تھا جس میں وہ عمران ہاشمی سے بات کرتے ہوئے نظر آرہے ہیں۔ انہوں نے تصویر کے ساتھ کیپشن میں لکھا کہ چند چہرے، ہزاروں راز، ہر چہرہ کچھ کہتا ہے اور بہت کچھ کہتا ہے اور بہت کچھ چھپاتا ہے۔

واضح رہے کہ رومی جعفری کی ہدایتکاری میں بننے والی فلم 'چہرہ' ابتدائی طور پر گزشتہ سال 30 اپریل کو ریلیز کی جانی تھی تاہم کورونا وائرس کی وجہ سے فلم اب اگلے ماہ 9 اپریل کو سنیما گھروں کی زینت بنے گی۔