روحانی دوست

علمِ الاعداد سے نمبر معلوم کرنے کا طریقہ

---

صائم المصطفے صائم
واٹس اپ (0333-8818706)
فیس بک (Saim Almustafa Saim)

علمِ الاعداد سے نمبر معلوم کرنے کا طریقہ
دو طریقے ہیں اور دونوں طریقوں کے نمبر اہم ہیں
اول تاریخ پیدائش دوم نام سے!

اول طریقہ تاریخ پیدائش
مثلاً احسن کی تاریخ پیدائش 12۔7۔1990 ہے ، ان تمام اعداد کو مفرد کیجیے
1+2+7+1+9+9=29=2+9=11=1+1=2
گویا تاریخ پیدائش سے احمد کا نمبر 2 نکلا۔

اور طریقہ دوم میں:
سائل، سائل کی والدہ، اور سائل کے والد انکے ناموں کے اعداد کو مفرد کیجیے
مثلاً نام ''احسن '' والدہ کا نام '' شمسہ'' والد کا نام '' راشد۔''

حروفِ ابجد کے نمبرز کی ترتیب یوں ہے:
1 کے حروف (ا،ی،ق،غ) 2 کے حروف (ب،ک،ر) 3 کے حروف (ج،ل،ش)
4 کے حروف (د،م،ت) 5 کے حروف (ہ،ن،ث) 6 کے حروف (و،س،خ)
7 کے حروف (ز،ع،ذ) 8 کے حروف (ح،ف،ض) 9 کے حروف (ط،ص، ظ)
احسن کے نمبر (1،8،6،5) تمام نمبرز کو مفرد کردیں:
(1+8+6+5=20=2+0= 2 گویا احسن کا نمبر2 ہے۔
ایسے ہی احسن کی والدہ ''شمسہ ''کا نمبر9 اور والد راشد کا نمبر1 بنتا ہے۔
اب ان تینوں نمبروں کا مفرد کرنے پر ہمیں احسن کا ایکٹیو یا لائف پاتھ نمبر مل جائے گا۔ (2+9+1=12=1+2=3) گویا علم جفر کے حساب سے احسن کے نام کا نمبر 3 نکلا!

علم الاعداد کی روشنی میں آپ کا یہ ہفتہ
سوموار 15 مارچ 2021
آج کا حاکم نمبر 7 ہے۔ ایک رومان پرور دن، جو آپ کے اندر نرم شگوفے اگا سکتا ہے جن کا ماضی سے کوئی نہ کوئی تعلق ہوسکتا ہے۔
3،4،5،7،8اور9 نمبر والوں کے لیے آج کا دن اچھا رہنے کی توقع ہے۔
1، 2 اور 6 نمبر والوں کے لیے اہم اور کچھ مشکل بھی ہوسکتا ہے۔
صدقہ: 20 یا 200 روپے، سفید رنگ کی چیزیں، کپڑا، دودھ، دہی، چینی یا سوجی کسی بیوہ یا غریب خاتون کو بطورِصدقہ دینا ایک بہتر عمل ہوگا۔
وظیفۂ خاص ''یارحیم یا رحمن یا اللہ'' 11 بار یا 200 بار اول وآخر 11 بار درودشریف پڑھنا بہتر ہوگا۔

منگل 16 مارچ 2021
آج کا حاکم نمبر6 ہے، پُرجوش اور خوشی لانے والا دن ہوسکتا ہے۔ خوب صورتی اور امنگ و ترنگ بڑھانے والا دن ہوسکتا ہے۔
1،4،5،6،8 اور 9 نمبر والوں کے لیے آج کا دن کافی حد تک بہتری لائے گا۔
2،3 اور 7 نمبر والوں کے لیے کچھ مشکل ہوسکتی ہے۔
صدقہ: 90 یا 900 روپے، سرخ رنگ کی چیزیں ٹماٹر، کپڑا، گوشت یا سبزی کسی معذور سیکیوریٹی سے منسلک فرد یا اس کی فیملی کو دینا بہتر عمل ہوگا۔
وظیفۂ خاص''یاغفاریاستار استغفراللہ العظیم'' 9 یا 90 بار اول وآخر11 بار درودشریف پڑھنا بہتر ہوگا۔

بدھ 17 مارچ 2021
آج کا حاکم نمبر3 ہے۔تعلقات اور رابطے بڑھ سکتے ہیں اور ممکن ہے نئے تعلقات استوار ہوں اچھے اور برے کی تمیز بنا آگے بڑھنا دانشمندی نہیں ہوسکتی۔
2،3،4،7،8اور9 نمبر والوں کے لیے آج دن کافی بہتر ہوسکتا ہے۔
1، 5اور6 نمبر والوں کو کچھ معاملات میں رکاوٹ اور پریشانی کا اندیشہ ہے۔
صدقہ: زرد رنگ کی چیزیں یا 50 یا 500 روپے کسی مستحق طالب علم یا تیسری جنس کو دینا بہتر ہے۔ تایا، چچا، پھوپھی کی خدمت بھی صدقہ ہے۔
وظیفۂ خاص''یاخبیرُیا وکیلُ یااللہ'' 41 بار اول و آخر 11 بار درودشریف پڑھنا مناسب عمل ہوگا۔

جمعرات 18 مارچ 2021
آج کا حاکم نمبر2 ہے۔اچھی تبدیلیوں کا دن ہوسکتا ہے لیکن کچھ لوگوں کے لیے غیرمتوقع مسائل بھی ہوسکتے ہیں، مذہبی حلقے کے لئے اہم دن۔
1،3،4،5،8اور9 نمبر والوں کے لیے آج کا دن کافی بہتر رہنے کی امید ہے۔
2، 6 اور 7نمبر والوں کو کچھ مشکل ہوسکتی ہے۔
صدقہ: میٹھی چیز، 30 یا 300 روپے کسی مستحق نیک شخص کو دینا بہتر عمل ہوسکتا ہے۔ مسجد کے پیش امام کی خدمت بھی احسن صدقہ ہے۔
وظیفۂ خاص''سورۂ فاتحہ 7 بار یا یا قدوس یا وھابُ یااللہ'' 21 بار اول و آخر 11 بار درودشریف پڑھنا بہتر عمل ہوگا۔

جمعہ 19 مارچ 2021
آج کا حاکم نمبر6 ہے۔رشتوں سے خوشی ملنے کا امکان ہے، ناراض شخصیت مان سکتی ہے اور آپ کی زندگی میں ایک نئی خوشی اور دور کا احساس ہوسکتا ہے۔
1،4،5،6،8 اور 9 نمبر والوں کے لیے آج کا دن بہتر ہونے کی امید ہے۔
2،3 اور 7نمبر والوں کو محتاط رہنے کا مشورہ ہے۔
صدقہ: 60 یا 600 روپے یا 600 گرام یا6 کلو چینی۔ سوجی یا کوئی جنس کسی بیوہ کو دینا بہترین عمل ہوسکتا ہے۔
وظیفۂ خاص''سورۂ کہف یا یاودود یامعید یااللہ'' 11 بار ورد کرنا بہتر ہوگا۔

ہفتہ 20 مارچ 2021
آج کا حاکم نمبر 9 ہے۔آج کا دن صبروتحمل سے گزاریں، جوش سے گریز کریں، سفر محتاط ہوکے کریں۔ صدقہ لازم دیں۔
1،2،3،5،6 اور7نمبر والوں کے لیے کسی حد تک بہتری کی امید ہے۔
4،8 اور9 نمبر والوں کو کچھ امور میں مشکل ہوسکتی ہے۔
صدقہ: 80یا800 روپے یا کالے رنگ کی چیزیں کالے چنے، کالے رنگ کے کپڑے سرسوں کے تیل کے پراٹھے کسی معذور یا عمررسیدہ مستحق فرد کو دینا بہتر عمل ہوسکتا ہے۔
وظیفۂ خاص''یافتاح یاوھابُ یارزاق یااللہ'' 80 بار اول و آخر 11 بار درودشریف کا ورد بہتر عمل ہوگا۔

اتوار21مارچ 2021
آج کا حاکم نمبر 3 ہے۔ایک اچھا دن، جو آپ کی ملاقات کسی ولی سے کرواسکتا ہے، وہ شخص آپ کو آپ کی دنیا و آخرت دونوں میں آگے بڑھنے کے گُر دے سکتا ہے۔
2،3،4،7،8 اور 9 نمبر والوں کے لیے ایک بہتر دن کی امید ہے۔
1، 5 اور 6 نمبر والوں کو مشکل ہوسکتی ہے۔
صدقہ: 13 یا 100 روپے یا سنہری رنگ کی چیزیں گندم، پھل، کپڑے، کتابیں یا کسی باپ کی عمر کے فرد کی خدمت کرنا بہتر ہوگا۔
وظیفۂ خاص''یاحی یاقیوم یا اللہ'' 13 یا 100 بار اول و آخر 11 بار درودشریف پڑھنا مناسب عمل ہوگا۔