ٹریفک قوانین کی خلاف ورزی پر حکمران جماعت تحریک انصاف سے تعلق رکھنے والے سینیٹر کا چالان ہوگیا۔

تفصیلات کے مطابق اسلام آباد ٹریفک پولیس نے سیٹ بیلٹ نہ پہننے پر سینیٹر فیصل جاوید کا چالان کیا۔ سینیٹر فیصل جاوید کا کہنا تھا کہ سیٹ بیلٹ نہ پہننے پر معذرت خواہ ہوں۔

انہوں نے بتایا کہ مجھے پہچاننے کے باوجود چالان کاٹنے والے ٹریفک آفیسر کو سلام پیش کرتا ہوں۔ ملک میں عوام اور خواص کے لیے ایک قانون ہونا چاہیے۔