مانسہرہ منظور پشتین کی گاڑی پر گندے انڈوں ٹماٹروں اور پتھروں سے حملہ

حملے کے وقت کار میں منظور پشتین اپنے ساتھیوں سمیت موجود تھے فوٹو : فائل

---

مانسہرہ سی پیک پر بیدڑہ انٹر چینج پر کھڑے نوجوانوں نے پی ٹی ایم کے سربراہ منظور پشتین کی گاڑی پر گندے انڈوں، ٹماٹروں اور پتھروں سے حملہ کردیا۔

سوشل میڈیا پر وائرل وڈیو میں دیکھا جا سکتا ہے کہ کچھ نوجوان رات 12 بجے کے قریب انڈے، ٹماٹر اور پتھر لے کر کھڑے ہیں اور ایک کار کے ٹول پلازہ پر پہنچتے ہی اس کا گھیراؤ کر لیتے ہیں مبینہ طور پر اس کار میں پشتون تحفظ موومنٹ کے منظور پشتین اپنے ساتھیوں سمیت موجود تھے ،انہیں زدوکوب کرنے کی کوشش گئی جس کے بعد منظور پشتین موقع سے گاڑی بھگانے میں کامیاب ہو گے۔