پاک ایران گیس منصوبہ ابھی تک ختم نہیں ہوا شاہد خاقان

گھریلو صارفین کوگیس کی فراہمی حکومت کی اولین ترجیح ہے،وزیرپیٹرولیم۔ فوٹو: فائل

---

KARACHI: وفاقی وزیر پٹرولیم و قدرتی وسائل شاہد خاقان عباسی نے کہا ہے کہ حکومت ملک سے توانائی بحران کے خاتمے کیلیے پرعزم ہے۔

انھوں نے کہا کہ گھریلوصارفین کوگیس کی فراہمی اولین ترجیح ہے۔منگل کونجی ٹی وی کے پروگرام میں اظہارخیال کرتے ہوئے انھوں نے کہاکہ حکومت ملک سے توانائی کا بحران ختم کرنے کے لیے تمام دستیاب وسائل بروئے کار لا رہی ہے۔انھوں نے کہا کہ پاک ایران گیس پائپ لائن منصوبے پر سرمایہ کاری میں مشکلات کا سامنا ہے تاہم پاک ایران گیس پائپ لائن منصوبہ ابھی تک ختم نہیں ہوا۔



انھوں نے کہا کہ تاپی منصوبے پر پاکستان نے ایک روپے کی سرمایہ کاری نہیںکی۔اس منصوبے سے پاکستان کو پاک ایران گیس منصوبے سے سستی گیس ملے گی۔انھوں نے کہا کہ سردی کے موسم میں گیس کی طلب میں اضافے کی وجہ سے گیس کے بحران کا سامنا ہے تاہم گھریلو صارفین کو گیس کی فراہمی حکومت کی اولین ترجیح ہے۔