پاکستان کی بڑی کامیابی 15 مارچ اسلاموفوبیا کیخلاف عالمی دن منانے کی قرارداد منظور

پاکستان نے 15 مارچ کو اسلاموفوبیا کیخلاف دن منانے کی قرارداد پیش کی تھی جو او آئی سی نے منظور کرلی

---

اسلامی تعاون تنظیم ''او آئی سی'' نے اسلامو فوبیا کے خلاف عالمی دن منانے کی قرارداد متفقہ طور پر منظور کر لی۔

ترجمان دفتر خارجہ زاہد حفیظ چوہدری کے مطابق پاکستان نے او آئی سی کے 47 ویں وزرائے خارجہ کونسل اجلاس میں ایک قرارداد پیش کی تھی جس میں 15 مارچ کو اسلاموفوبیا کے خلاف دن منانے کو تجویز پیش کی گئی تھی اور اب پاکستان کی سفارتی کاوشیں رنگ لے آئیں ۔

او آئی سی میں وزیر خارجہ شاہ محمود قریشی کی جانب سے اسلاموفوبیا پر 15مارچ کو عالمی دن منانے کی قرارداد پیش کی جو متفقہ طور پر منظور کرلی گئی۔ شاہ محمود قریشی کا کہنا تھا کہ 15مارچ کو عالمی سطح پرمنانے کےلیے او آئی سی کاوشیں کر رہی ہے۔

وزیر خارجہ کا کہنا تھا کہ پاکستان نے بین المذاہب ہم آہنگی کی کوششوں کی حمایت کی ہے، اسلاموفوبیا کے بڑھتے رجحان روکنے کےلیے وزیر اعظم عمران خان نےآواز اٹھائی، اسلامو فوبیا کے رجحان سے منفی اثرات مرتب ہو رہے ہیں۔ انہوں نے کہا کہ او آئی سی کی جانب سے 15 مارچ کی حمایت مسلمانوں کی ترجمانی ہے، یہ دن منانے سے غلط فہمیوں کے ازالے میں مدد ملے گی، ہم بین المذاہب اور ثفافتی ہم آہنگی کے لیے پر عزم ہیں۔

Marking the second anniversary of the March 15, 2019 terrorist attack, in #Christchurch, #NewZealand, which took the lives of 51 innocent Muslim worshippers, the #OIC Secretary General Dr. Yousef Al Othaimeen, pays tribute to the fallen martyrs...1/5 pic.twitter.com/E0O1Qw1Zoh

— OIC (@OIC_OCI) March 15, 2021

دوسری جانب اسلامی ممالک کی تعاون تنظیم (او آئی سی) اسلاموفوبیا کے بڑھتے رجحان کے خلاف خصوصی مہم چلانے پر تیار ہوگیا۔ اس حوالے سے تنظیم کی جانب سے ایک ٹوئٹ کی گئی جس میں او آئی سی کے سیکریٹری جنرل کی جانب سے کرائسٹ چرچ واقعے کا سال مکمل ہونے پر شہدا کو خراج تحسین پیش کیا گیا۔

...for the observance of 15 March of each year as an international day to combat #Islamophobia in order to consolidate global awareness about curbing this phenomenon, intolerance and hatred towards Muslims. 5/5

— OIC (@OIC_OCI) March 15, 2021

ایک اور ٹوئٹ میں سیکریٹری جنرل ڈاکٹر یوسف نے 15 مارچ کو اسلاموفوبیا کے خلاف دن منانے کے حوالے سے اقوام متحدہ اور دیگر عالمی تنظیموں کو یاد دہانی کروائی کہ ہر سال 15 مارچ کو اسلاموفوبیا کے خلاف رجحان کو روکنے اور مسلمانوں کے خلاف عدم برداشت اور نفرت کے بارے میں عالمی سطح پر شعور اجاگر کیا جائے۔

واضح رہے 15 مارچ 2019 کو کرائسٹ چرچ کی دو مساجد پر حملوں کے دوران 51 نمازی شہید اور درجنوں زخمی ہوئے تھے۔