ہولناک حادثے میں خاتون معجزاتی طور پر محفوظ فوٹیج سامنے آگئی

کار سوار خاتون کو لوگوں نے اپنی مدد آپ کے تحت گڑھے میں گری کار سے نکالا(فوٹو، ایکسپریس)

---

گاڑی کے حادثے میں خاتون معجزاتی طور پر محفوظ رہیں جب کہ حادثے کی سی سی ٹی وی فوٹیج بی سامنے آگئی۔

تفصیلات کے مطابق جسے اللہ رکھے اسے کون چکھے کی سچی کہاوت کی ایک اور مثال سامنے آگئی۔ رائے ونڈ روڈ پر نجی سوسائٹی کے قریب گاڑی گہرے گڑھے میں جاگری تاہم کار چلانے والی خاتون ثنا حادثے میں محفوظ رہیں۔

حادثے کی سی سی ٹی وی فوٹیج بھی منظر عام پر آگئی جس میں دیکھا جاسکتا ہے کہ خاتون کی گاڑی کس طرح گہرے گڑھے میں جاگری تاہم اس ہولناک حادثے کے بعد بھی وہ محفوظ رہیں۔ کار سوار خاتون کو لوگوں نے اپنی مدد آپ کے تحت گڑھے میں گری کار سے نکالا۔ حادثے کا شکار ہونے والی کار میں سوار خاتون کو معمولی خراشیں آئیں۔