امریکی صدر طیارہ کی سیڑھیاں چڑھتے ہوئے منہ کے بل گر پڑے

امریکی صدر جو بائیڈن کی سیڑھیاں چڑھتے گرنے کی ویڈیو سوشل میڈیا پر وائرل

---

امریکی صدر جو بائیڈن اٹلانٹا روانگی کے لیے ہوائی جہاز کی سیڑھیاں چڑھتے ہوئے گر پڑے۔

غیر ملکی خبر رساں ادارے کے مطابق امریکی صدر جو بائیڈن گزشتہ روز اٹلانٹا پہنچے جہاں انہوں نے فائرنگ کے واقعہ میں ہلاک ہونے والے ایشیائی نژاد امریکی شہریوں کے رہنماؤں سے ملاقات کی تاہم روانگی سے قبل جہاز میں سیڑھیاں چڑھتے ہوئے امریکی صدر متعدد بار گرتے اور سنبھلتے رہے۔

President Joe Biden trips climbing the stairs to Air Force 1 pic.twitter.com/x8UD7q0a48

— The Hill (@thehill) March 19, 2021

امریکی میڈیا میں صدر جو بائیڈن کی جہاز کی سیڑھیوں پر گرنے کی ویڈیو سوشل میڈیا پر چھائی ہوئی ہے، صدر جو بائیڈن جیسے ہی آئیر فورس ون کی سیڑھیوں پر چڑھے تو ایک دم سے ان کا پاؤں پھسلا لیکن جو بائیڈن نے خود کو سنبھالا اور سیڑھیوں کا سہارا لیکر کھڑے ہوگئے تاہم جیسے ہی سیڑھی پر اگلا قدم رکھا تو دوبارہ نیچے گرے اور پھر اپنا توازن قائم نہ رکھ سکے۔

امریکی صدر نے سیڑھیوں کی ریلنگ کو بھی پکڑنے کی کوشش کی تاہم اس بار بھی وہ توازن برقرار نہ رکھ سکے اور سیڑھیوں پر ہی بیٹھ گئے جس کے بعد جو بائیڈن کھڑے ہوئے اور پتلون ٹھیک کرنے کے بعد جہاز میں چلے گئے۔

I know folks have seen that President Biden slipped on his way up the stairs to AF1, but I’m happy to report that he is just fine and did not even require any attention from the medical team who travels with him.  Nothing more than a misstep on the stairs.

— Ben LaBolt (@WHCommsDir) March 19, 2021

امریکی صدر کے لڑکھڑانے کی ویڈیو وائرل ہونے کے بعد جو بائیڈن کی صحت سے متعلق قیاس آرائیاں شروع ہوگئیں جس پر ترجمان وائٹ ہاؤس کی جانب سے بیان میں کہا گیا ہے کہ ہوا بہت تیز چل رہی تھی جس کی وجہ سے ایسا ہوا تاہم صدر جو بائیڈن 100 فیصد ٹھیک ہیں اور زبردست طریقے سے کام کررہے ہیں۔