مہوش حیات وزیراعظم کی جلد صحت یابی کے لیے دعا گو

اداکارہ مہوش حیات نے کورونا وائرس کا شکار وزیراعظم عمران خان کے لیے جلد صحت یابی کی دعا کی ہے۔

وزیراعظم عمران خان کا گزشتہ روز کورونا ٹیسٹ مثبت آیا تھا۔ وزیراعظم کے معاون خصوصی برائے امور صحت ڈاکٹر فیصل سلطان نے زیراعظم کی کورونا وائرس کی ٹیسٹ رپورٹ مثبت آنے کی تصدیق کی تھی ۔ بعد ازاں وزیراعظم نے خود کو گھر میں قرنطینہ کرلیا۔

یہ بھی پڑھیں: وزیراعظم عمران خان بھی کورونا وائرس کا شکار ہوگئے

مہوش حیات نے وزیراعظم کی جلد صحت یابی کے لیے دعا کرتے ہوئے کہا ہے اس سے یہ ثابت ہوتا ہے کہ یہاں کسی کا بھی مدافعتی نظام اتنا مضبوط نہیں اور کورونا وبا کا ابھی خاتمہ نہیں ہوا۔


مہوش حیات نے مزید کہا ہم اپنے وزیراعظم کی صحت یابی کے لیے دعا کرتے ہیں جب کہ ہمیں بھی چوکس رہنے (احتیاط برتنے) کی ضرورت ہے۔

ٹک ٹاک اسٹار اور اداکارہ حریم شاہ نے بھی وزیراعظم کی صحت یابی کے لیے دعا کی ہے۔

[instagram-post url="https://www.instagram.com/p/CMprQorBiYa/"]