اندرون ملک پروازوں میں کھانے کے بعد پانی کی سروس پر بھی پابندی

سی اے اے حکام کی جانب سے کورونا حفاظتی اقدامات کے تناظر میں احکامات جاری

---

کورونا وائرس کی تیسری لہر کے باعث سول ایوی ایشن اتھارٹی نےاندرون ملک پروازوں میں کھانے کے بعد پانی کی سروس پر بھی پابندی عائد کردی۔

سی اے اے حکام کی جانب سے کورونا حفاظتی اقدامات کے تناظر میں عائدکردہ پابندی کے حوالے سے احکامات جاری کردیے گئے جس کا نوٹیفیکشن ڈائریکٹر ائر ٹرانسپورٹ نے جاری کردیا۔ نوٹیفیکشن میں اندرون ملک چلنے والی پروازوں میں مسافروں کو پانی کی سروس معطل کرنے کی ہدایات جاری کی گئی ہے۔

سی اے اے کے مطابق مسافروں کے لیےسیٹوں پر ہی پانی کی بوتلیں مہیا کی جائیں،اس حوالے سےمسافروں کے جہاز میں سوار ہونے سے قبل ہی سیٹوں پر پانی کی بوتلیں رکھ دی جائیں،فیصلہ جہاز کے کریو اور مسافروں کے مابین رابطے کو کم کرنے کے لیے کیا گیا ہے۔