کوہاٹ میں معصوم بچی زیادتی کے بعد قتل

کوہاٹ میں ایک اور معصوم بچی کو زیادتی کے بعد قتل کردیا گیا جب کہ میڈیکل رپورٹ میں زیادتی کی تصدیق بھی ہوگئی ہے۔

پولیس ذرائع کے مطابق کوہاٹ سے گزشتہ روز لاپتہ ہونے والی تین سالہ بچی حریم شاہ کی لاش نالے سے برآمد ہوئی ہے جس کے بعد بچی کی لاش پوسٹ مارٹم کیلئے ڈویژنل ہیڈ کوارٹر کے ڈی اے اسپتال منتقل کی گئی جب کہ واقعہ کا مقدمہ درج کرکے تحقیقات شروع کردی گئی ہے۔


پولیس کا کہنا ہے کہ بچی بدھ کی دوپہر نیو لاری اڈا کے قریب سے لاپتہ ہوئی تھی جس پر لواحقین نے تلاش کے بعد رپورٹ درج کرائی۔ پوسٹ مارٹم رپورٹ کے مطابق بچی کو زیادتی کے بعد منہ اور گلہ دبا کر قتل کیا گیا جب کہ بچی کی ناک، گھٹنوں اور گلے سمیت مخصوص اعضاء پر بھی تشدد کے نشانات موجود ہیں۔

دوسری جانب آر پی او کا کہنا ہے کہ کوہاٹ میں حریم شاہ کا پہلا اور آخری واقعہ ہے ملزمان کو ایسی عبرت ناک شکست دیں گے کہ آئندہ کسی کی جرات نہیں ہوگی۔