صبورعلی شادی میں کورونا ایس او پیز کی خلاف ورزی کرنے پر تنقید کی زد میں

صبور علی کی ایک ویڈیو وائرل ہورہی ہے جس میں وہ مہندی کی تقریب میں ڈانس کررہی ہیں

ویب ڈیسک March 27, 2021

ویڈیو میں لوگوں نے جو چیز شدت کے ساتھ نوٹ کی وہ صبور علی کا ماسک نہ پہننا ہے، فوٹوفائل

اداکارہ صبورعلی کو شادی کی تقریب کے دوران کورونا ایس او پیز کی خلاف ورزی کرنے پر سوشل میڈیا پر تنقید کا نشانہ بنایا جارہا ہے۔

حال ہی میں صبورعلی کی سوشل میڈیا پر ایک ویڈیو وائرل ہورہی ہے جس میں وہ اپنے دوست عمیر قاضی کی مہندی کی تقریب میں بھنگڑے ڈالتی ہوئی نظر آرہی ہیں۔ اس ویڈیو کو مختلف سوشل میڈیا پلیٹ فارمز پر بڑی تعداد میں شیئر کیا جارہا ہے اور لوگ صبورعلی کے ڈانس کی تعریف بھی کررہے ہیں۔

تاہم سوشل میڈیا صارفین نے جو چیز شدت کے ساتھ نوٹ کی وہ صبورعلی اور تقریب میں موجود دیگر لوگوں کا ماسک نہ پہننا اور کورونا ایس او پیز کی خلاف وری کرنا ہے۔ اور اسی وجہ سے انہیں سوشل میڈیا پر تنقید کا نشانہ بنایا جارہا ہے۔

[instagram-post url="https://www.instagram.com/p/CM2mMc8JhTA/"]

ایک صارف نے صبورعلی سمیت ان تمام فنکاروں پر تنقید کی جو کورونا وبا کی صورتحال میں لوگوں کو ماسک پہننے اوراحتیاطی تدابیر اختیار کرنے کا مشورہ دیتے ہیں۔ صارف نے لکھا یہ یہ دیکھنا کتنا مزاحیہ ہے کہ آپ ہی لوگ تھے جو دیگر فنکاروں پر کورونا کی پہلی لہر کے دوران ایس او پیز کا خیال نہ رکھنے پر تنقید کررہے تھے اور اب آپ کس چیز کی تشہیر کررہے ہیں۔