KARACHI: سینیٹ میں یوسف رضا گیلانی کا اپوزیشن لیڈر منتخب ہونے کے بعد سے ن لیگ اور پیپلزپارٹی کے درمیان اختلاف کی جنگ شدیدترہوتی جارہی ہے۔

مسلم لیگ ن کے رہنماؤں کے بیانات کے بعد پیپلزپارٹی والوں نے جوابی وار شروع کردیے ہیں، جس کے تناظرمیں پی ڈی ایم ٹوٹنے کے قریب پہنچ گیا جبکہ فضل الرحمن کیلیے اسے قائم رکھنا کسی امتحان سے کم نہیں ہوگا۔

دوسری طرف کورونا کی تیسری لہرکے باعث سیاسی سرگرمیاں ماند پڑگئی ہیں، اپوزیشن کا حکومت کے خلاف فوری تحریک چلانا مشکل نظرآرہا ہے، آنے والے دنوں میں سیاسی صورتحال مزیدواضح ہوجائے گی۔