صوبوں کو کورونا ویکسین خریدنے کےلئے این اوسی درکار نہیں معاون خصوصی صحت

وفاقی حکومت کی جانب سے کورونا ویکسین کی خریداری کا عمل جا ری رہے گا، معاون خصوصی وزیراعظم۔ فوٹو:فائل

---

معاون خصوصی صحت ڈاکٹر فیصل سلطان کا کہنا ہے کہ صوبائی حکومت کو خود سے ویکسین کی خریداری پر کوئی این اوسی درکار نہیں ہوگا۔

ایکسپریس نیوز کے مطابق سماجی رابطے کی ویب سائٹ ٹویٹر پر اپنی ٹویٹ میں وزیراعظم کے معاون خصوصی برائے صحت ڈاکٹر فیصل سلطان کاکہنا تھا کہ وفاقی حکومت کی جانب سے کورونا ویکسین کی خریداری کا عمل جا ری رہے گا، اور اگر کوئی صوبائی حکومت خود سے ویکسین کی خریداری کرنا چاہتی ہے تو وفاقی حکومت اس کی معاونت کرے گی۔

The Fed govt has procured & will continue to procure COVID vaccine for all Pakistanis. At the same time, there is no "NOC" requirement (or any NOC pending) or bar for any provincial govt to procure any reg'd vaccine if they are able to. Any facilitation needed will be provided

— Faisal Sultan (@fslsltn) March 29, 2021

ڈاکٹر فیصل کا کہنا تھا کہ صوبائی حکومت خود سے کورونا ویکیسن کی خریداری کر سکتی ہے، اور اسے خود سے ویکسین کی خریداری پر کوئی این اوسی درکار نہیں ہوگا۔

اس خبرکوبھی پڑھیں: سندھ میں بدھ سے کورونا ویکسین لگانے کا اعلان

واضح رہے کہ صوبائی وزیر اطلاعات سندھ سید ناصر حسین شاہ نے ایک پریس کانفرنس میں کہا تھا کہ کہ صوبائی حکومت کو ویکسین کی خریداری کیلیے وفاقی حکومت کی اجازت درکار ہے، وزیراعلیٰ سندھ نے اجازت کے لئے وفاقی حکومت کو خط لکھ دیا ہے لیکن اس کا جواب ابھی تک نہیں آیا۔