اسلام آباد میں شہریوں کو لوٹنے والے غیر ملکی گروہ کے 2 کارندے گرفتار

ابتدائی تفتیش ملزمان کا ضلع بھر میں کئی وارداتوں کا انکشاف ۔ فوٹو : ایکسپریس

---

گن پوائنٹ پر شہریوں کو لوٹنے والے غیر ملکی گروہ کے 2 کارندوں کو گرفتار کرلیا گیا۔

تھانہ سبزی منڈی نے کارروائی کرکے شہریوں کو لوٹنے والے افغانی ملزمان کو گرفتار کرلیا، ملزمان سے شہریوں سے چھینے 40 ہزار روپے و دیگر قیمتی اشیاء، وارداتوں میں استعمال ہونے والا اسلحہ و ایمونشن بھی برآمد کرلیا گیا۔

ملزمان وارداتوں کے بعد افغانستان فرار ہوجاتے تھے، ملزمان کے خلاف مقدمہ درج کرلیا گیا ہے جب کہ مزید تفتیش جاری ہے تاہم ابتدائی تفتیش میں ملزمان نے ضلع بھر میں کئی وارداتوں کا انکشاف کیا ہے۔