پاکستان اسٹیل ملز کی بولی کے عمل میں چین شرکت کا خواہاں

پاکستان نے 6 سال سے بند اسٹیل ملز کو سی پیک فریم ورک سے باہر رکھنے کے فیصلے کا اعادہ کیا ہے

Shahbaz Rana April 02, 2021

چینی سفیر کی حماداظہر سے ملاقات میں اسٹیل ملزکو سی پیک فریم ورک سے باہر رکھنے کا اعادہ

ISLAMABAD: پاکستان نے چین پر اسٹیل ملز کی بولی کے عمل میں حصہ لینے پرزور دیا ہے۔

پاکستان نے چین پر اسٹیل ملز کی بولی کے عمل میں حصہ لینے پرزور دیا ہے۔ اس کے ساتھ ساتھ پاکستان نے 6 سال سے بند اسٹیل ملز کو سی پیک فریم ورک سے باہر رکھنے کے فیصلے کا بھی اعادہ کیا ہے۔ حکومتی ذرائع نے ایکسپریس ٹریبیون کو بتایا کہ ملک کے سب سے بڑے صنعتی یونٹ کی حکومتوں کی سطح پر چین کو فروخت کا معاملہ گذشتہ روز وزیرخزانہ حماد اظہر اور پاکستان میں چینی سفیر Nong Rong کے درمیان ملاقات میں زیربحث آیا۔ سی پیک کی جوائنٹ کوآپریشن کمیٹی ( جے سی سی) کے نویں اجلاس میں پاکستان نے چین سے کہا تھا کہ وہ پاکستان اسٹیل ملز کو سی پیک فریم ورک میں شامل کرنا چاہتا ہے۔

سی پیک فریم ورک کے تحت منصوبے عالمی سرمایہ کاروں کے لیے کُھلے نہیں ہوتے اور بولی کے عمل میں صرف چینی سرمایہ کار ہی شریک ہوسکتے ہیں۔ تاہم ایک سال قبل حکومت نے اس وقت کے مشیرخزانہ عبدالحفیظ شیخ کی رائے پر اسٹیل ملز کو سی پیک فریم ورک سے باہر ہی رکھنے کا فیصلہ کیا تھا۔ت

اہم پاکستان اسٹیل ملز کی مسابقتی بولی کے عمل میں چینی شرکت کا خواہاں ہے۔ وزیراعظم عمران خان پاکستان اسٹیل ملز کی فروخت کا عمل جلدازجلد مکمل کرنے کے خواہاں ہیں مگر یہ معاملہ تکلیف دہ حد تک سست رفتاری سے آگے بڑھ رہا ہے۔ بدھ کے روز وزیرخزانہ حماداظہر نے بیان دیا تھا کہ پاکستان اسٹیل ملز کی نجکاری کے لیے بولی کا عمل رواں ہفتے ہوگا۔