بھارت میں مسلم لاء بورڈ نے جہیز کے خاتمے کیلیے ضابطہ اخلاق ترتیب دیدیا

گذشتہ ماہ ایک مسلم لڑکی جہیز نیہ لانے پر سسرالیوں کے ظلم پر خودکشی کرلی تھی، فوٹو: رائٹرز

---

AHMEDABAD: آل انڈیا مسلم پرسنل لاء بورڈ نے جہیز کی وجہ سے خواتین میں خودکشی کے بڑھتے ہوئے واقعات کو مدنظر رکھنے ہوئے 11 نکاتی ہدایت نامہ جاری کیا ہے جس میں جہیز کے خاتمے اور مہنگی شادیوں کی حوصلہ شکنی کی گئی ہے۔

عالمی خبر رساں ادارے کے مطابق بھارت میں آل انڈیا مسلم پرسنل لاء بورڈ نے ایک ہدایت نامہ جاری کیا ہے جس میں جہیز اور مہنگی شادی کے خاتمے کے لیے اُٹھائے گئے اقدامات کا تذکرہ کرتے ہوئے مسلم برادری سے ان پر سختی سے عمل درآمد کرانے کا مطالبہ کیا گیا ہے۔

اس حوالے سے ایک ضابطہ اخلاق بھی ترتیب دیا گیا ہے جس میں شادی کو غیر ضروری اخراجات سے بچانے اور سنت رسول صلی اللہ علیہ وآلہ وسلم کی پیروی کرتے ہوئے سادگی سے انجام دینے کی ترغیب دی گئی ہے۔

یہ خبر پڑھیں : جہیز کی وجہ سے خودکشی کرنیوالی لڑکی کی ویڈیو وائرل، سوشل میڈیا پرغم وغصہ

ہدایت نامے میں جہیز کو معاشرے کے لیے زہر قاتل قرار دیتے ہوئے کہا کہ جہیز کی لعنت سے بچا جائے اور جہیز کے نام پر مہنگی اشیا کا تو بالکل بھی مطالبہ نہیں کیا جائے۔

During this campaign, Friday sermons we'll focus on how to conduct marriages according to the Shariah and the teachings of the holy Prophet peace be upon him. (2/3)

— All India Muslim Personal Law Board (@AIMPLB_Official) March 25, 2021

Special corner Meetings and Awareness programs will be organized to connect with common people and they Will be counseled for Simple and Easy marriage and avoiding extravagant wedding functions. (3/3)

— All India Muslim Personal Law Board (@AIMPLB_Official) March 25, 2021

مسلم پرسنل لاء بورڈ نے اس حوالے سے ایک حلف نامہ بھی ترتیب دیا ہے جس میں جہیز نہ لینے اور شادی میں غیر ضروری اخراجات سے اجتناب برتنے کا عہد لیا گیا ہے۔ یہ اقدامات اور حلف نامہ 10 دن کے ملک بھر کے دورے کے بعد ترتیب دیا گیا۔

گزشتہ ماہ گجرات میں جہیز نہ لانے پر شوہر اور سسرالیوں کی جانب سے تشدد کا نشانہ بنائے جانے پر مسلم خاتون نے ندی میں چھلانگ لگا کر خودکشی کرلی تھی جس کے بعد مسلم لاء بورڈ نے یہ اقدامات اُٹھائے ہیں۔