ڈی کک کی ’جعلی فیلڈنگ‘ نے فخر کو ڈبل سنچری سے محروم کردیا

کوئنٹین کی حرکت کو سوشل میڈیا پر شدید تنقید کا نشانہ بنایا جارہا ہے فوٹو: فائل

---

کوئنٹین ڈی کک کی 'جعلی فیلڈنگ' فخر زمان کو ڈبل سنچری سے محروم کرگئی۔

آخری اوور کی پہلی گیند پر اوپنر نے نگیڈی کو لانگ آف کی جانب کھیلتے ہوئے سنگل مکمل کیا اور دوسرے کیلیے دوڑے، اس دوران وکٹ کیپر ڈی کک نے بولر کی جانب اشارہ کیا۔

جس سے فخر سمجھے کہ فیلڈر ایڈین مارکرم نان اسٹرائیک اینڈ کی جانب تھرو کریں گے، اس لیے وہ تھوڑے سست پڑے مگر مارکرم کی ڈائریکٹ ہٹ نے ان کی اننگز تمام کردی۔ کوئنٹین کی اس حرکت کو سوشل میڈیا پر شدید تنقید کا نشانہ بنایا جارہا ہے۔