کھاد کی قیمتوں میں 114 روپے فی بوری کمی

یکم مارچ 2014 سے فرٹیلائزر کمپنیوں کو کھاد کی قیمتیں بھی بیگ پر پرنٹ کرنا ہوں گی۔ فوٹو: فائل

---

وفاقی حکومت نے کھاد کی قیمتوں میں114 روپے فی بوری کے حساب سے کمی کردی ہے۔

گزشتہ روز وفاقی وزیر خزانہ اسحاق ڈار کی زیرصدارت اعلی سطح کا اجلاس منعقد ہوا جس میں وفاقی وزیر پٹرولیم شاہد خاقان عباسی، سیکریٹری پٹرولیم عابد سعید، سیکریٹری خزانہ ڈاکٹر وقار مسعود اور سیکریٹری نیشنل فوڈ سیکیورٹی سمیت فرٹیلائزر مینوفیکچررز کے نمائندوں نے شرکت کی۔



اجلاس میں کھاد مینوفیکچررز کے ساتھ تفصیلی تبادلہ خیال کے بعد ملک میں کھاد کی قیمت 114 روپے کمی کے ساتھ 1900 روپے سے کم کرکے 1786روپے فی بوری کردی گئی، اس کے علاوہ یکم مارچ 2014 سے فرٹیلائزر کمپنیوں کو کھاد کی قیمتیں بیگ پر پرنٹ کرنا ہوں گی۔