ایف آئی اے نے شوگر مافیا کی رپورٹ ہیڈ کوارٹر بھجوادی

تحقیقاتی ٹیم نے بیانات ریکارڈ کیے، مصنوعی قیمتیں بڑھاتے، کچے کھاتوں میں درج کرتے

Numainda Express April 06, 2021

حمزہ ، ہنزہ ، المعیز، کسان، مدینہ شوگر ملز سٹہ، فارورڈ ٹریڈنگ کے کاروبار میں ملوث۔ فوٹو: فائل

ایف آئی اے تحقیقاتی ٹیم نے شوگر مافیا کے ارکان کے بیانات ریکارڈ کر کے رپورٹ ہیڈ کوارٹرز بھجوا دی ہے۔

ایف آئی اے لاہور کی تحقیقاتی ٹیم نے شوگر مافیا کے ارکان کے بیانات ریکارڈ کر کے رپورٹ ہیڈ کوارٹرز بھجوا دی ہے جس میں شوگر سٹہ بازمحمود اختر بھلی اورمولوی ظہیر نے ہوشربا انکشافات کیے ہیں۔

رپورٹ میں تاندلیانوالہ شوگر ملز، جے ڈی ڈبلیو گروپ و دیگر کے سٹہ فارورڈ بکنگ کے مکروہ کاروبار میں ملوث ہونے کا انکشاف کیا ہے۔ ایف آئی اے کے ذرائع کے مطابق تمام بروکرز، سٹہ باز واٹس ایپ گروپس کے ذریعے سٹہ کا کام کرتے ہیں۔

شوگر کے ڈیلرز، بروکرز کے ذریعے سٹہ بازی، فارورڈ بکنگ کا انکشاف، بروکرز میں عامر وحید، آصف ملتان، حاجی ہیرا فیصل آباد، طفیل لاہور، امجد حسین لاہور، سلیم میلسی اور ماجد ملک شامل ہیں۔ تمام سٹہ باز شوگر گروپ، پاکستان شوگر گروپ اور شوگر مرچنٹس واٹس ایپ گروپس کے ذریعے سٹہ کے کاروبار میں ملوث ہیں۔

ایف آئی اے کو دیے گئے مولوی ظہیر کے بیان کے مطابق گزشتہ 5 سال سے چینی کی بروکری سے وابستہ ہوں۔ اس سے قبل 12 سال سے 30 ہزار ماہوار پر بابر سنٹر میں بطور اکاؤنٹنٹ کام کرتا رہا ہوں۔