پاکستان فلم انڈسٹری کے سینئر ہدایت کار ایس سلیمان انتقال کرگئے

ایس سلیمان کو ایک عرصےسے فالج تھا اور وہ ذیابیطس کےمرض میں بھی مبتلاتھے، فوٹوفائل

---

LONDON: پاکستان فلم انڈسٹری کے سینئر ہدایت کار، پروڈیوسر اور فلمساز ایس سلیمان 80 برس کی عمر میں انتقال کرگئے۔

اہلخانہ کے مطابق ایس سلیمان کو ایک عرصےسے فالج کا مرض لاحق تھا اور وہ ذیابیطس کےمرض میں بھی مبتلا تھے۔ ان کی اہلیہ زریں کا کہنا ہے کہ ایس سلیمان ایک سال سے مختلف اوقات میں نجی اسپتال میں زیرعلاج رہے۔ ان کی نمازجنازہ جمعہ کو نجی سوسائٹی میں اداکی جائے گی۔

فلم ڈائریکٹر ایس سلیمان ماضی کے اداکارسنتوش کمار اور درپن کے چھوٹے بھائی تھے۔ ان کی پہلی فلم ''گلفام'' 1961 میں ریلیز ہوئی۔ انہوں نے 60 سے زائد فلموں کی ہدایت کاری کی جن میں ''اناڑی''، ''زینت''، ''باجی''، ''اف یہ بیویاں''، ''محبت''، ''آگ''، ''جیسے جانتے نہیں'' و دیگرفلمیں شامل ہیں۔