بابراعظم نے ٹی ٹوئنٹی کیریئر کی پہلی سنچری اسکور کرتے ہوئے 122 رنز کی اننگز کھیلی - فوٹو؛ پی سی بی
جنوبی افریقی شہر سنچورین میں کھیلے گئے تیسرے ٹی ٹوئنٹی انٹرنیشنل میچ میں جنوبی افریقا نے پہلے بیٹنگ کرتے ہوئے مقررہ 20 اوورز میں 203 رنز اسکور کیے تو پاکستان نے بھی کپتان بابراعظم کی شاندار سنچری کی بدولت مطلوبہ ہدف 18 اوورز میں ہی حاصل کرلیا۔
Pakistan achieve their highest successful run chase in T20Is 👏
— ICC (@ICC) April 14, 2021
They beat South Africa by nine wickets and take a 2-1 series lead!#SAvPAK ➡️ https://t.co/rihG1VCmdO pic.twitter.com/JCloo7mPhS
پاکستان کی جانب سے بڑے ہدف کے تعاقب میں کپتان بابراعظم اور وکٹ کیپر بلے باز محمد رضوان پاور پلے میں 64 رنز فراہم کیے۔ اس دوران محمد رضوان نے اور بابراعظم نے اپنی نصف سنچریاں مکمل کیں۔
Now Mohammad Rizwan brings up his fifty!
— ICC (@ICC) April 14, 2021
Pakistan are cruising and have crossed the 130-run mark.#SAvPAK ➡️ https://t.co/rihG1VCmdO pic.twitter.com/rcvVJtvExE
کپتان بابراعظم 59 گیندوں پر 122 رنز کی اننگز کھیل کر آؤٹ ہوئے جس میں 15 چوکے اور 4 چھکے شامل تھے جب کہ محمد رضوان 47 گیندوں پر 73 رنز بناکر ناقبل شکست رہے ، ان کی اننگز میں 5 چوکے اور 2 چھکے شامل تھے۔
میچ کے خاص بات کپتان بابراعظم کی جانب سے ٹی ٹوئنٹی کیریئر کی پہلی سنچری تھی جو انہوں نے صرف 49 گیندوں پر اسکور کی جس میں 11 چوکے اور 4 چھکے شامل تھے۔
Babar Azam becomes only the third Pakistan batsman to slam a T20I hundred 🔥
— ICC (@ICC) April 14, 2021
It is also the fastest ton in the format by a 🇵🇰 player!#SAvPAK ➡️ https://t.co/rihG1VCmdO pic.twitter.com/hxIyUrFPmm
بابراعظم، محمد رضوان اور احمد شہزاد کے بعد ٹی ٹوئنٹی میں سنچری اسکور کرنے والے تیسرے پاکستانی بلے باز بن گئے ہیں ۔ بابراعظم نے ٹی ٹوئنٹی میں پاکستان کی جانب سے تیز ترین سنچری بنانے کا اعزاز بھی حاصل کرلیا جب کہ انہوں نے ٹی ٹوئنٹی میں سب سے زیادہ اسکور بنانے کا اعزاز بھی اپنے نام کرلیا۔
1⃣9⃣7⃣
— Pakistan Cricket (@TheRealPCB) April 14, 2021
Pakistan's highest opening partnership in T20Is!#SAvPAK | #HarHaalMainCricket | #BackTheBoysInGreen pic.twitter.com/ulZq8YBipC
اس سے قبل پاکستان کے کپتان بابراعظم نے پہلے ٹاس جیت کر میزبان ٹیم کو بیٹنگ کی دعوت دی ہے۔ جنوبی افریقا کی جانب سے ایڈن مارکرم اور جانے من ملان نے پاور پلے کے 6 اوورز میں 65 رنز بنائے اور ٹیم کو 108 رنز کا مضبوط آغاز فراہم کیا۔ اس دوران دونوں بلے بازوں نے اپنی نصف سنچریاں بھی مکمل کیں۔ ملان 55 اور مارکرم 63 رنز بناکر محمد نواز کا شکار بنے۔
جارج لنڈے نے 11 گیندوں پر 22 رنز کی جارحانہ اننگز کھیلی جب کہ وان ڈار ڈاسن 20 گیندوں پر 34 رنز کی جارحانہ اننگز کھیل کر ناٹ آؤٹ رہے۔ کپتان ہینرک کلاسن 15 رنز ہی بناسکے۔ قومی ٹیم کی جانب سے محمد نواز نے 2، فہیم اشرف، حسن علی اور شاہین شاہ آفریدی نے ایک وکٹ حاصل کی۔
قومی ٹیم کی جانب سے ٹیم میں 3 تبدیلیاں کی گئی ہیں۔ شرجیل خان، محمد حسنین اور عثمان قادر کی جگہ فخرزمان، حارث رؤف اور آصف علی کو ٹیم میں شامل کیا گیا ہے۔
واضح رہے پہلے ٹی ٹوئنٹی میں پاکستان نے جنوبی افریقا کو شکست دی تھی جب کہ دوسرے میچ میں پاکستان کو شکست کا سامنا کرنا پڑا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔