کراچی میں پولیس مقابلے کے بعد ڈکیتی کا ملزم گرفتار

ملزمان لوگوں سے لوٹ مار کی کوشش کررہے تھے کہ اس دوران پولیس وہاں پہنچ گئی

---

گلستان جوہر بلاک 15 میں مبینہ پولیس مقابلے کے بعد 1 ملزم کو زخمی حالت میں گرفتار کرلیا گیا۔

پولیس نے بتایا کہ زخمی ملزم کی شناخت محمد اصغر کے نام سے ہوئی ہے اور اس کا دوسرا ساتھی فرار ہونے میں کامیاب ہوگیا۔

ملزمان لوگوں سے لوٹ مار کی کوشش کررہے تھے کہ اس دوران پولیس وہاں پہنچ گئی جسے دیکھ ملزمان نے فائرنگ کردی۔

پولیس اور ملزمان کے درمیان فائرنگ کے تبادلے میں ایک ڈکیت زخمی ہوا جبکہ گرفتار ملزم کی فائرنگ سے راہگیر زخمی ہوا۔