ورلڈ ہاکی لیگ ناقابل شکست ارجنٹائن کا آج ورلڈ چیمپئن آسٹریلیا سے ٹاکرا

دوسرے میچ میں گروپ اے کی ٹاپ ٹیم انگلینڈ کا سامنا کامیابی سے محروم نیوزی لینڈ سے ہوگا۔ فوٹو: فائل

---

ورلڈ ہاکی لیگ کے فائنل رائونڈ میں ناقابل شکست ارجنٹائن کی ٹیم آج ورلڈ چیمپئن آسٹریلیا سے ٹکرائے گی۔

عالمی رینکنگ میں 11 ویں نمبر پر موجود پین امریکی اسکواڈ نے ابتدائی میچ میں نمبر 3 نیدرلینڈ اور دوسرے میں نمبر 5 بیلجیئم کو زیر کرتے ہوئے گروپ بی میں ٹاپ پوزیشن پرقبضہ جما رکھا ہے۔ ایونٹ میں پیر کو دوسرے میچ میں گروپ اے کی ٹاپ ٹیم انگلینڈ کا سامنا کامیابی سے محروم نیوزی لینڈ سے ہوگا۔ تیسرے میچ میں نیدر لینڈز اور بیلجیئم کی ٹیمیں مقابل ہونگی۔ آخری میچ میں ورلڈ نمبر ون جرمنی کا سامنا میزبان بھارت سے ہوگا۔