طالبان سے مذاکرات کے معاملے پر مایوس نہیں فضل الرحمن

جمعیت علماء اسلام (ف) کے سر براہ مولانا فضل الر حمن نے کہا ہے کہ طالبان اورحکو مت کو مذاکرات کی راہ میں ''اسپیڈ بر یکر'' بنانیوالوں پر نظر رکھنا ہو گی۔

ہم طالبان سے مذاکرات کے معاملے پر مایوس نہیں مگر حکومت کونیک نیتی سے مذاکرات کیلیے کوشش جا ری رکھنی چاہئیں۔ ایک انٹر ویو اور سیکریٹری جنرل مولانا عبد الغفور حیدری سے ٹیلی فونک گفتگو کرتے ہوئے انھوں نے کہا کہ پاکستانی اور افغانستان کی قیادت کا دہشت گردوں کیخلاف ملکر فیصلہ خطے کے بہتر تر ین مفاد میں ہے۔




پر ویز مشرف کے معاملے پر سب کو عدالت کے فیصلے کا انتظار کر نا چاہیے۔طالبان سے مذاکرات کے حوالے سے آل پا رٹیز کا نفر نس میں ہونیوالے تمام فیصلے انتہائی اہمیت کے حامل ہیں اور انکو کسی بھی صورت نظر انداز نہیں کیا جا سکتا ۔