بھارتی فلم اور ٹی وی کے اداکار امیت مستری دل کا دورہ پڑنے سے ہلاک

امیت بالکل ٹھیک اور اپنے گھر پر تھے یہاں تک کہ انہیں صحت کے مسائل بھی نہیں تھے، مینجر فوٹوفائل

---

بھارتی فلموں اور ٹی وی کے اداکار امیت مستری دل کا دورہ پڑنے سے ہلاک ہوگئے۔

بھارتی میڈیا کے مطابق امیت مستری کی موت کی تصدیق ان کے مینجر مہارشی دیسائی نے کرتے ہوئے کہا ہے کہ یہ خبر سن کر میں صدمے کی کیفیت میں ہوں۔ امیت بالکل ٹھیک اور اپنے گھر پر تھے۔ یہاں تک کہ انہیں صحت کے مسائل بھی نہیں تھے۔

مہارشی دیسائی نے بتایا کہ ناشتے کے بعد اداکار امیت کو اچانک دل میں درد ہوا جو کہ ہارٹ اٹیک ثابت ہوا۔ انہوں نے اداکار کی موت کو تفریحی صنعت کے لیے بڑا نقصان قرار دیا۔

یہ بھی پڑھیں: معروف بھارتی موسیقار کورونا کے باعث ہلاک

بالی ووڈ کے نامور ٹی وی اداکاروں نے امیت مستری کی موت پرغم کا اظہار کیا ہے۔ تارک مہتا کا الٹا چشمہ کے اداکار دلیپ جوشی نے اسے غیر معمولی خبر قراریتے ہوئے کہا وہ ابھی تک اس خبر پر یقین نہیں کرپارہے ہیں۔

Absolutely shocking and unbelievable .. Amit Mistry departed to Heavenly abode............still can’t believe it......

— Dilip Joshi (@dilipjoshie) April 23, 2021

کپل شرما شو کے اداکار ککو شردا نے بھی امیت مستری کی موت پر غم کا اظہار کیا۔

Was a senior of mine in college, a friend, a colleague. Did lots of plays together, partied together. Will miss him. Wonderful actor and a soulful singer.
Gone too soon brother 🙏🏻🙏🏻🙏🏻May your soul rest in peace🙏🏻🙏🏻🙏🏻 https://t.co/DeDMVzP42p

— kiku sharda 🇮🇳 (@kikusharda) April 23, 2021

واضح رہے کہ اداکار امیت مستری فلم ''کیا کہنا''، ''ایک چالیس کی لاسٹ لوکل''، ''یملا پگلا دیوانہ''، ویب سیریز''بندش'' اور ٹی وی شوز ''تنالی راما'' اور ''میڈم سر'' میں کام کرچکے تھے۔