تین ٹی ٹوئنٹی میچز کی سیریز 1-1 سے برابر ہوگئی ہے
ہرارے میں کھیلے گئے تین ٹی ٹوئنٹی میچوں کی سیریز کے دوسرے میچ میں زمبابوے نے پاکستان کو 19 رنز سے ہراکر سیریز 1-1 سے برابر کردی۔
میزبان ٹیم نے پہلے بیٹنگ کرتے ہوئے مقررہ 20 اوورز میں 118 رنز بنائے جس کے جواب میں پاکستان کی پوری ٹیم 99 رنز پر پویلین واپس لوٹ گئی۔
Zimbabwe win the 2nd #ZIMvPAK T20I
— Pakistan Cricket (@TheRealPCB) April 23, 2021
Scorecard: https://t.co/MYzewJxYhA#HarHaalMainCricket #BackTheBoysInGreen pic.twitter.com/nK9mD1OV91
قومی ٹیم کی جانب سے اننگز کا آغاز محمد رضوان اور بابر اعظم نے کیا تاہم اس بار بڑی اوپننگ شراکت قائم نہ ہوسکی، رضوان 13 اور ون ڈاؤن آنے والے فخر زمان صرف 2 رنز بناکر آؤٹ ہوگئے جب کہ کپتان بابر اعظم نے 41 رنز کی اننگز کھیلی، چوتھے نمبر پر آنے والے محمد حفیظ بھی وکٹ پر کھڑے نہ رہ سکے اور صرف 5 رنز بناکر پویلین لوٹ گئے۔
حفیظ کے بعد آصف علی بھی صرف ایک رن بناکر پویلین لوٹ گئے جب کہ قومی ٹیم کے 3 کھلاڑی بغیر کوئی رن بنائے آؤٹ ہوئے اور پوری ٹیم 19.5 اوورز میں 99 رنز بناکر آؤٹ ہوگئی۔
اس سے قبل پاکستان نے ٹاس جیت کر زمبابوے کو پہلے کھیلنے کی دعوت دی جس کے جواب میں زمبابوے کی جانب سے اننگز کا آغاز ٹیناشے اور برینڈن ٹیلر نے کیا، قومی ٹیم کی مضبوط بولنگ کے سامنے میزبان ٹیم کا کوئی کھلاڑی زیادہ دیر تک کھڑا نہ رہ سکا۔
صرف اوپنر ٹیناشے نے 34 اور ریگس چاکابوا نے 18 رنز بنائے جس کی بدولت زمبابوے کی ٹیم مقررہ 20 اوورز میں 9 وکٹوں کے نقصان پر 118 رنز ہی بناسکی۔ قومی ٹیم کی جانب سے دانش عزیز اور محمد حسنین نے 2،2 وکٹیں حاصل کیں۔
Meet Pakistan T20I Cap number 92, Arshad Iqbal!#ZIMvPAK | #HarHaalMainCricket | #BackTheBoysInGreen pic.twitter.com/lNdCenZh3L
— Pakistan Cricket (@TheRealPCB) April 23, 2021
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔