برطانیہ کا بھارت کے لیے وینٹی لیٹرز اور دیگر طبی آلات بھیجنے کا اعلان

برطاننیہ نے 600 سے زائد طبی آلات بھارت بھیجنے کا اعلان کیا ہے، فوٹو: فائل

---

برطانوی وزیراعظم بورس جانسن کی ہدایت پر مریضوں کی زندگیاں بچانے والے نظام تنفس سے متعلق اہم طبی آلات بھارت روانہ کردیئے گئے ہیں۔

عالمی خبر رساں ادارے کے مطابق بھارتی اسپتالوں میں آکسیجن گیس کی قلت کے باعث کورونا مریضوں کی بڑھتی ہوئی اموات کے پیش نظر برطانوی وزیراعظم نے بھارتی عوام کی مدد کا اعلان کیا تھا۔

اس حوالے سے برطانوی وزارت خارجہ نے بتایا کہ 600 سے زائد میڈیکل آلات سے بھرے 9 ائیرلائن کنٹینرز منگل کی صبح بھارت پہنچیں گے جن میں 495 آکسیجن کنسنٹریٹرز، 120 نان ان ویسیو وینٹی لیٹرز اور 20 مینوئل وینٹی لیٹرز شامل ہیں جب کہ مزید کھیپ ہفتے کے آخر میں روانہ کی جائے گی۔

Today we have sent the first of several urgent deliveries of surplus medical equipment to our friends in India to help provide life-saving care for vulnerable Covid patients. No-one is safe until we are all safe. pic.twitter.com/HOudeYv86c

— Dominic Raab (@DominicRaab) April 25, 2021

آکسیجن کنسنٹریٹرز اور ان ویسیو وینٹی لیٹرز کےذریعے جن مریضوں کے پھیپھڑوں کی کارکردگی میں کمی آجاتی ہے یا مکمل طور پر ناکارہ ہوجاتے ہیں اُن میں آکسیجن لیول کو نارمل رکھا جاسکتا ہے۔

علاوہ ازیں سعودی عرب، متحدہ عرب امارات اور سنگاپور نے بھارت میں آکسیجن گیس کی قلت کو دور کرنے کے لیے مائع آکسیجن اور آکسیجن گیس کے سلنڈرز بھیجنے کا اعلان کیا ہے۔