عوام کو بانڈز کی واپسی کے لیے 31 دسمبر تک کی مہلت (فوٹو : فائل)
ایکسپریس کو دستیاب دستاویز کے مطابق حکومت کی جانب سے دو نوٹی فکیشن جاری کیے گئے ہیں جن میں بتایا گیا ہے کہ پندرہ ہزار اور ساڑھے سات ہزار روپے مالیت کے پرائز بانڈز کی فروخت پر فوری طور پر پابندی عائد کردی گئی ہے ساتھ ہی ان کی یکم مئی کو ہونے والی قرعہ اندازی بھی منسوخ کردی گئی۔
نوٹی فکیشن کے مطابق صارفین مذکورہ بونڈز 31 دسمبر تک بینکوں سے کیش کراسکیں گے، تاریخ گزرنے کے بعد بونڈز کے عوض کیش نہیں مل سکے گا بلکہ بونڈز واپس کرکے پچیس ہزار روپے والے اور چالیس ہزار روپے والے رجسٹرڈ انعامی بونڈز حاصل کیے جاسکیں گے، ان بانڈز کی واپسی سے اسپیشل سیونگ سرٹیفکیٹ، ڈیفنس سیونگ سرٹیفکیٹ بھی حاصل کیے جاسکیں گے۔
نوٹی فکیشن کے مطابق بونڈز کی واپسی پر رقم صارفین کے بینک اکاؤنٹس میں منتقل ہوگی اورصارفین اسٹیٹ بینک آف پاکستان کی ملک بھر میں قائم 16 فیلڈ آفسز، مجاز کمرشل بینکوں اور قومی بچت کے مراکز کے ذریعے ہی بونڈز واپس کرسکیں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔