پیپلزپارٹی نے ایک نشست کیلئے نظام کو یرغمال بنایا فواد چوہدری

ووٹنگ کی شرح سے اندازہ ہوتا ہے عوام کا انتخابی عمل سے اعتبار ختم ہورہا ہے، فواد چوہدری: فوٹو: فائل

---

وفاقی وزیربرائے سائنس وٹیکنالوجی فواد چوہدری کا کہنا ہے کہ پیپلزپارٹی نے ایک نشست کیلئے نظام کو یرغمال بنایا۔

وفاقی وزیربرائے سائنس وٹیکنالوجی فواد چوہدری نے ٹوئٹ میں کہا کہ پیپلزپارٹی نے ایک نشست کیلئے جس طرح نظام کویرغمال بنایا اس سے الیکشن اصلاحات کی ضرورت کا احساس پہلے سے بھی زیادہ شدت سے محسوس ہوتا ہے۔

فواد چوہدری نے کہا کہ ایک بارپھراپوزیشن سے کہتا ہوں کہ وزیراعظم کی تجاویزپرغور کریں، ووٹنگ کی شرح سے اندازہ ہوتا ہے عوام کا انتخابی عمل سے اعتبار ختم ہورہا ہے۔

واضح رہے کہ قومی اسمبلی حلقہ این اے 249 کے ضمنی انتخاب میں پیپلزپارٹی نے پی ٹی آئی کوبدترین شکست دے دی جب کہ مسلم لیگ (ن) کے امیدوار مفتاح اسماعیل دوسرے نمبر پررہے۔