وزیراعظم کا بغیر پروٹوکول اسلام آباد کے مختلف علاقوں کا دورہ ویڈیو وائرل

وزیراعظم عمران خان اپنی گاڑی خود چلا کر اسلام آباد پہنچے ۔ فوٹو : سوشل میڈیا

---

وزیراعظم عمران خان نے بغیر پروٹوکول کے اسلام آباد کے مختلف علاقوں کا دورہ کیا جس کی ویڈیو سوشل میڈیا پر وائرل ہوگئی۔

وزیراعظم عمران خان اپنی گاڑی خود چلا کر اسلام آباد پہنچے جہاں انہوں نے مختلف علاقوں کا دورہ کیا، احساس ریڑی بان پروجیکٹ، رمضان سستا بازار اور دیگر پروجیکٹ کا جائزہ لیا اور عوام سے گفتگو کرتے ہوئے ان کے تاثرات بھی سنے، ان کے ہمراہ چیئرمین سی ڈی اے عامر احمد علی بھی موجود تھے۔

وزیر اعظم نے جی 11 مرکز کا دورہ بھی کیا اور دکانداروں سے گفتگو کی۔ انہوں نے انہیں ہدایت کی کہ وہ ایس او پیز پر عمل کریں۔

ذرائع کا کہنا ہے کہ وزیراعظم نے شجرکاری مہم میں لگائے گئے پودوں کو بھی چیک کیا اور اسلام آباد میں مرمت کی گئی سڑکوں کا معائنہ بھی کیا۔ اس موقع پر انہیں چیئرمین سی ڈی اے کی جانب سے ترقیاتی کاموں پر بریفنگ دی گئی۔

Prime Minister @ImranKhanPTI drove himself to public places in Islamabad without any security and protocol.

The PM visited G-11 Markaz and talked to vendors. He instructed them to adhere to SoPs.

The PM also visited Sewerage Plant I-9 and Korang Cricket Ground. pic.twitter.com/zKUmKmaPt8

— Prime Minister's Office (@PakPMO) May 2, 2021