سلمان خان کی فلم رادھے کے گانے’سیٹی مار‘ نے نیا ریکارڈ قائم کردیا

بھروسا کرنے پر سلو بھائی اور پربھو دیوا کا بہت شکر گذار ہوں۔(فوٹو: انٹرنیٹ)

---

QUETTA: سلمان خان کی فلم رادھے کے گانے 'سیٹی مار' نے یوٹیوب پر تیز ترین 100 ملین ویوزکا نیا ریکارڈ قائم کردیا ہے۔

فلم رادھے کے پہلے ٹریک 'سیٹی مار' کے کمپوزر دیوی پرساد نے سوشل میڈیا پر سیٹی مار کے بی ٹی ایس ( بی ہائنڈ سی سین) کی تصاویر کے ساتھ ایک خصوصی ویڈیو بھی شیئر کی۔ اپنی ٹوئٹ میں انہوں نے کہا کہ ' تیز ترین 100 ملین ویوز کے بہت بہت شکریہ'

رادھے کے پہلے گانے کی یو ٹیوب پر مقبولیت کو دیکھتے ہوئے سلمان خان نے کہا کہ ' دیوی پرساد نے اس ٹریک کے ساتھ آؤٹ اسٹینڈنگ ' کام کیا ہے۔ یاد رہے کمپوزر دیوی سری پرساد ' راک اسٹار ڈی ایس ہی ' کے نام سے مشہور ہیں اور ان کے کمپوز کیے گئے متعدد گانے کئی نئے ریکارڈز بنا چکے ہیں۔

A MILLION THANKS 4 d FASTEST 100 MILLION #SeetiMaar 🙏

ThankU dear @BeingSalmanKhan bhai🙏& @PDdancing Master🙏

Here's a small VIDEO wit some EXCLUSIVE BTS Pics & a Performance Footage 4 all of YOU as my GRATITUDE 4 ur IMMENSE LOVE 4 SEETIMAAR♥️🕺💃🙏https://t.co/7I55OVTkeJ

— DEVI SRI PRASAD (@ThisIsDSP) May 8, 2021

دیوی پرساد کا اس بارے میں کہنا ہے کہ آڈیئنس نے گانے 'سیٹی مار' کو جو رسپانس دیا ہے اس کے لیے میں سلمان بھائی اور پربھو دیوا کا شکر گزار ہوں جنہوں نے مجھ پر بھروسا کیا۔ اور مجھے خوشی ہے کہ ' سیٹی مار' نے ایک بار پھر جادو کردیا ہے۔