بھارت میں کورونا سے ہلاکت خیزی پرامیتابھ بچن کی دنیا سے مدد کی اپیل

ہاتھوں کو ان کے لیے کھلا رکھیں جن کوآپ کی ضرورت ہے، امیتابھ بچن کی اپیل

ویب ڈیسک May 11, 2021

ہاتھوں کو کھلا کریں ان کے لیے جن کوآپ کی کی ضرورت ہے، اداکار

گلوبل سٹیزن فنڈ ریزنگ کنسرٹ میں بالی ووڈ بگ بی نے بھارت میں کورونا کی بگڑتی ہوئی صورتحال کے لیے مدد کی اپیل کی۔

بالی ووڈ بگ بی امیتابھ بچن نے گلوبل سیٹیزن فنڈ ریزنگ کنسرٹ میں شرکت کی جس میں ہالی ووڈ کے دیگر بڑے ستارے بھی شامل تھے۔ گلوبل سیٹیزن فنڈ ریزنگ کنسرٹ میں ویکیسن کی فراہمی کی اہمیت اجاگرکرنے سے متعلق تھا۔

کنسرٹ میں امیتابھ نے بھارت کے لیے مدد کی اپیل کرتے ہوئے کہا کہ میرا ملک اس وقت کورونا کی ہلاکت خیز لہر سے لڑ رہا ہے۔ اس تناظرمیں دنیا سے اپیل کرتا ہوں کہ بھارت کی مدد کی جائے، آپ اپنی اپنی حکومتوں سے فنڈزکی بات کریں اورفارماسوٹیکل کمپنیوں سے رابطہ کریں۔

اداکارنے اپیل کرتے ہوئے کہا کہ ہاتھوں کو ان کے لیے کھلا رکھیں جن کوآپ کی ضرورت ہے، ہرکوشش اہمیت رکھتی ہے، جیسا کہ مہاتما گاندھی نے کہا تھا کہ آپ آہستہ آہستہ دنیا کوہلاسکتے ہیں۔