پاکستان میں کورونا کے پھیلاؤ پر دوبارہ قابو پانا شروع کردیا ہے وزیراعظم

انتہائی ضروری ہے کہ ہم عید پر احتیاطی تدابیر کو بطورِخاص ملحوظ خاطر رکھیں، وزیراعظم۔ فوٹو:سوشل میڈیا

---

وزیراعظم عمران خان کا کہنا ہے کہ پاکستان میں کورونا وبا کے پھیلاؤ پر دوبارہ قابو پانا شروع کردیا ہے۔

سماجی رابطے کی ویب سائٹ ٹویٹر پر اپنی ٹویٹ میں امتِ مسلمہ کو عید کی مبارک باد دیتے ہوئے وزیراعظم عمران خان کا کہنا تھا کہ آج کی عید 2 اہم وجوہات کی بناء پر بہت مختلف ہے جسے ہمیں اپنےاہلِ خانہ کے ہمراہ خاموشی سے گزارنی چاہئیے۔

وزیراعظم نے کہا کہ پہلی وجہ یہ ہے کہ ہم نے پاکستان میں کورونا کے پھیلاؤ پر دوبارہ قابو پانا شروع کردیا ہے، کورونا کے پھیلاؤ کو روکنے کے لئے انتہائی ضروری ہے کہ ہم احتیاطی تدابیر (ایس او پیز) پر سختی سے عمل کریں۔

پوری امتِ مسلمہ کو عید مبارک۔ آج کی عید بہت مختلف ہےجسے 2 اہم وجوہ کی بناء پر ہمیں اپنےاہلِ خانہ کےہمراہ خاموشی سے گزارنی چاہئیے۔ اول: کوروناء وباء پاکستان میں جس کےپھیلاؤ پر ہم نےدوبارہ قابو پانا شروع کردیا ہے چنانچہ لازم ہےکہ ہم احتیاطی تدابیر (SOPs) بطورِخاص ملحوظ خاطر رکھیں۔

— Imran Khan (@ImranKhanPTI) May 13, 2021

عمران خان نے کہا کہ گھر میں خاموشی کے ساتھ عید گزارنے کی دوسری اہم وجہ یہ ہے کہ ہم ان اہلِ کشمیر و فلسطین کے ساتھ یکجہتی کا اظہار کریں جنہیں قابض قوتوں کے ہاتھوں بین الاقوامی طور پر تسلیم شدہ اپنے بنیادی حقوق کی صریح پامالی کے ساتھ پیہم جبر و بربریت کا سامنا ہے، کشمیریوں اور فلسطینیوں پر جارحیت عالمی قوانین کی خلاف ورزی ہے۔