مفتی منیب الرحمان کا بیان منفی رویے کا عکاس ہے شبلی فراز

مفتی منیب الرحمن کا چاند کی رویت کو متنازع بنانے کے حوالے سے بیان قابل مذمت ہے۔(فوٹو:فائل)

---

وفاقی وزیر برائے سائنس اور ٹیکنالوجی شبلی فراز نے چاند کی رویت کے حوالےسے مفتی منیب الرحمان کے بیان کو غیر ذمے دار قرار دے دیا۔

شبلی فراز نے اپنی ٹوئٹ میں کہا ہے کہ سابق چیئر مین رویت ہلال کمیٹی مفتی منیب الرحمن کا چاند کی رویت کو متنازع بنانے کے حوالے سے بیان قابل مذمت ہے۔ مرکزی رویت ہلال کمیٹی نے شرعی اصولوں کے مطابق فیصلہ کیا۔

یہ بھی پڑھیئے : تمام مسلمان ایک روزہ قضا رکھیں، مفتی منیب الرحمان

انہوں نے مزید لکھا ہے کہ مفتی منیب الرحمان کا یہ بیان انتہائی غیر ذمہ دارانہ اور منفی رویے کا عکاس ہے۔

مفتی منیب کا چاند کی رویت کو متنازع بنانے کے حوالے سے بیان قابل مذمت ہے۔ رویت ہلال کمیٹی نے شرعی اصولوں کے مطابق فیصلہ کیا۔ یہ بیان انتہائی غیر ذمہدارانہ اور منفی رویے کا عکاس ہے۔

— Senator Shibli Faraz (@shiblifaraz) May 13, 2021

یاد رہے کہ مفتی منیب الرحمان نے نماز عید کے بعد میڈیا سے گفتگو میں مرکزی رویت ہلال کمیٹی پر اعتراض اٹھاتے ہوئے کہا تھا کہ حکومت کو من پسند ، کٹھ پتلی رویت ہلال کمیٹی چاہیے تھی، رویت ہلال کمیٹی مسجد قاسم خان کے مفتی شہاب الدین کا انتظار کر رہی تھی جیسے ہی انہوں نے چاند دیکھے جانے کا اعلان کیا انہوں نے بھی کر دیا، رویت ہلال کمیٹی کے فیصلے پر میں پوری رات روتا رہا ہوں۔

مفتی منیب کا مزید کہنا تھا کہ کہ ہماری میٹنگ میں کسی وزیر کی جرات نہیں تھی کہ وہ بیٹھے ، میں وصیت کرتا ہوں کہ تمام مسلمان ایک روزہ قضا رکھیں، معتکف بھی روزے کی حالت میں ایک روز کا اعتکاف کریں۔