بھارتی فضائیہ کا طیارہ مگ 21 گر کر تباہ پائلٹ ہلاک

طیارہ تربیتی مشق کے دوران حادثے کا شکار ہوا، بھارتی فضائیہ

ویب ڈیسک May 21, 2021

طیارہ تربیتی مشق کے دوران حادثے کا شکار ہوا، بھارتی فضائیہ

بھارتی فضائیہ کا طیارہ مگ 21 گر کر تباہ ہوگیا جس کے نتیجے میں پائلٹ بھی ہلاک ہوگیا۔

بھارتی میڈیا کے مطابق رات ایک بجے پنجاب کے علاقے باغپورانہ کے قریب فضائیہ کا طیارہ 'مگ 21' گر کر تباہ ہوگیا جس کے نتیجے میں جہازمیں موجود پائلٹ بھی موقع پر ہی ہلاک ہوگیا۔

There was an aircraft accident last night involving a Bison aircraft of IAF in the western sector. The pilot, Sqn Ldr Abhinav Choudhary, sustained fatal injuries. IAF condoles the tragic loss and stands firmly with the bereaved family.
— Indian Air Force (@IAF_MCC) May 21, 2021

بھارتی فضائیہ کی جانب سے جاری بیان میں کہا گیا ہے کہ طیارہ تربیتی مشق کے دوران حادثے کا شکار ہوا جس کے نتیجے میں اس میں سوار پائلٹ اسکواڈرن لیڈر ابھینو چوہدری ہلاک ہوگئے جب کہ حادثے کی وجوہات جاننے کے لیے تحقیقات کا حکم دیدیا گیا ہے۔

اس خبر کو بھی پڑھیں : بھارتی میڈیا نے اپنے مگ 21 طیاروں کو اڑتے تابوت قرار دے دیا

واضح رہے کہ معیاری دیکھ بھال نہ ہونے کے باعث بھارت میں آئے روز فضائیہ کے طیارے حادثے کا شکار ہوتے رہتے ہیں، اس سے قبل بھی متعدد طیارے گر کر تباہ ہوچکے ہیں جب کہ خود بھارتی وزیراعظم مگ 21 کی کارکردگی پر سوال اٹھا چکے ہیں۔