مولانا طارق جمیل فاؤنڈیشن نے مفت ایمبولینس سروس کا آغاز کردیا

مولانا طارق جمیل فاؤنڈیشن دینی مدارس کی خدمت اور طلبا کے لیے رہائش کا انتظام کیا جاتا ہے

ویب ڈیسک May 21, 2021

اس موقع پر مولانا طارق جمیل نے دعا بھی کروائی، فوٹو: انسٹاگرام

RAWALPINDI/ ISLAMABAD: عالمی شہرت یافتہ مبلغ اسلام مولانا طارق جمیل کے فلاحی ادارے ''ایم ٹی جے فاؤنڈیشن'' نے مفت ایمبولینس سروس کا آغاز کردیا ہے جس کے لیے نئی گاڑیاں خریدی گئی ہیں۔

مدارس کی خدمت اور طلبا کو گھر یا ہوسٹل کی سہولت فراہم کرنے کے لیے معروف عالم دین مولانا طارق جمیل کے فلاحی ادارے ''ایم ٹی جے فاؤنڈیشن'' نے اب ایمبولینس کی مفت سروس کا بھی آغاز کردیا ہے۔

مولانا طارق جمیل فاؤنڈیشن کے آفیشل انسٹاگرام اکاؤنٹ پر تصاویر شیئر کی گئی ہیں جس میں مولانا طارق جمیل کو ایمبولینس سروس کا دورہ کرتے ہوئے دیکھا جا سکتا ہے۔ مولانا طارق جمیل نے اس موقع پر دعا بھی کروائی۔

پوسٹ میں اُن مخیر حضرات کا شکریہ ادا کیا گیا ہے جنہوں نے ایمبولینسیں خریدنے میں بڑھ چڑھ کر حصہ لیتے ہوئے 'ایم ٹی جے فاؤنڈیشن' کو چندہ دیا۔ سماجی رابطے کی ویب سائٹ پر صارفین نے مولانا طارق جمیل کے اس کارِ خیر کو خوب سراہا جارہا ہے۔