سری لنکا کے 10 کرکٹرز کو خصوصی پرواز کےذریعے پاکستان آنے کی اجازت

یاد رہے کہ سری لنکا سی اے اے کے سفری پابندی والے ملکوں کی فہرست میں شامل ہے.(فوٹو:فائل)

---

سول ایوی ایشن اتھارٹی نے سری لنکا کے 10 کرکٹرز کو خصوصی پرواز کے ذریعے پاکستان آنے کی اجازت دے دی ہے۔

سول ایوی ایشن اتھارٹی کے ڈائریکٹر ایئر ٹرانسپورٹ کی جانب سے جاری نوٹیفکیشن کے مطابق سری لنکن کھلاڑی خلیجی ملک کی پرواز کے ذریعے خصوصی پرواز سے کراچی پہنچیں گے، تمام کھلاڑی ایس او پیز پر مکمل عمل درآمد کریں گے۔

نوٹیفیکیشن میں بتایا گیا ہے کہ پاکستان کرکٹ بورڈ نے سول ایوی ایشن اتھارٹی کو غیرملکی کھلاڑیوں کی آمد کے لیے درخواست دی تھی۔ واضح رہے کہ سری لنکا سی اے اے کے سفری پابندی والے ملکوں کی فہرست میں شامل ہے۔