امریکامارکیٹ میں مسلح شخص کی فائرنگ 2 خواتین ہلاک

امریکی ریاست انڈیانا کی ایک سپر مارکیٹ میں ایک شخص نے اندھا دھند فائرنگ کر دی جس سے وہاں موجود 2 خواتین ہلاک ہوگئیں، پولیس نے مسلح شخص کو بھی گولی مار کر ہلاک کردیا۔

پولیس کا کہنا ہے کہ ناخوشگوار واقعہ انڈیانا پولس کے شمال میں140میل دور الکھرٹ نامی شہر میں ایک سپر مارکیٹ میں پیش آیا، اس شہرکی آبادی تقریباً 50 ہزار نفوس پر مشتمل ہے۔




پولیس ترجمان ٹرنٹ اسمتھ نے پریس کانفرنس میں بتایا کہ ایک مسلح شخص نے مارٹن سپر مارکیٹ میں اندھا دھند فائرنگ کرکے 2 خواتین کو موت کے گھاٹ اتار دیا۔ بعد ازاں پولیس نے مسلح شخص کو بھی گولی مار کر ہلاک کرڈالا۔ پولیس ترجمان نے کہا کہ یہاں پر فائرنگ کے واقعات معمول بن چکے ہیں۔